Breaking News

മന്ത്രിയുടെ ആക്രോശങ്ങൾ കേട്ടു കാണുമല്ലോ ?പ്രാണൻ കൊടുക്കുന്നയാൾ തന്ത്രി .

ക്ഷേത്രത്തേ പറ്റിയോ ക്ഷേത്രആചാരങ്ങളെ പറ്റിയോ ക്ഷേത്രങ്ങളിൽ തന്ത്രിമാർക്കുള്ള അവകാശങ്ങളെ പറ്റിയോ പ്രാണ പ്രതിഷ്ഠയേ പറ്റിയോ ഓരോ ക്ഷേത്രങ്ങളിലുമുള്ള പടിത്തരത്തെപ്പറ്റിയോ ഒന്നുമറിയാത്ത ഒരു മന്ത്രിയുടെ ആക്രോശങ്ങൾ കേട്ടു കാണുമല്ലോ ക്ഷേത്രങ്ങളിൽ തന്ത്രിമാർക്ക് എന്തു കാര്യം എന്നാണ് അദ്ദേഹത്തിൻ്റെ സംശയം.

ക്ഷേത്രങ്ങളിലെ പൂജാദികർമങ്ങൾ ശാസ്ത്രാനുസരണം നിശ്ചയിച്ചു നടത്തുകയോ നടത്തിക്കുകയോ ചെയ്യുന്നവരാണ്തന്ത്രിമാർ. ക്ഷേത്രകാർമികൻ, പുരോഹിതൻ എന്നീ പേരുകളിലും അറിയപ്പെടുന്നു. പ്രാചീനകാലം മുതൽ തന്ത്രം കാരായ്മാവകാശമായിരുന്നു.

അത്യുത്തമനായ ഒരു ബ്രഹ്മോപാസകനാണ് ക്ഷേത്രങ്ങളെ വിഭാവനം ചെയ്ത് സൃഷ്ടിക്കുന്നത്. അദ്ദേഹമാണ് ക്ഷേത്രത്തിന് ജീവചൈതന്യം കൊടുക്കുന്നത്. തന്നെപോലെ ഉത്തമനായ ഒരു സജ്ജനത്തെ – സാധകനെ – യാണ് ക്ഷേത്രരൂപേണ ഈ ആചാര്യൻ ലോകത്തിന്റെ ആവശ്യാർത്ഥം സൃഷ്ടിക്കുന്നത്. ഈ ആചാര്യനെയാണ് “തന്ത്രി” എന്ന് വിളിക്കുന്നത് “തനു” വിൽ നിന്ന് “ത്രാണനം” ചെയ്യുന്ന ആൾ “തന്ത്രി”.

മന്ത്രംകൊണ്ടാണ് അദ്ദേഹം (തന്ത്രി) ത്രാണനം ചെയ്യുന്നത്. മനനം ചെയ്യുന്നവർ ത്രാണനം ചെയ്യുന്നതെന്തോ അത് “മന്ത്രം” ഉദാത്തം, അനുദാത്തം, സ്വരിതം എന്നീ ഉച്ചാരണ ഭേദത്തെ ആശ്രയിച്ചാണ് മന്ത്രഫലം സിദ്ധിക്കുന്നത്. ചിട്ടപ്രകാരമുള്ള പൂജാവിധിയിലുള്ള മന്ത്രപ്രയോഗത്താൽ, സങ്കീർണ്ണമായ തന്ത്രപ്രയോഗത്താൽ തന്ത്രി ക്ഷേത്രത്തിൽ ചൈതന്യം പൂർണ്ണമാക്കുന്നു.

ദൈവികമായ കാര്യങ്ങളെക്കുറിച്ചു വിധി പറയുന്നതിനുള്ള അധികാരം തന്ത്രികളിലാണ് ,അല്ലാതെ മന്ത്രിയിലല്ല, നിക്ഷിപ്തമായിട്ടുള്ളത്. തന്ത്രികൾ ക്ഷേത്രത്തിലനുഷ്ഠിക്കുന്ന പ്രവൃത്തികളാണ് തന്ത്രം എന്ന പേരിൽ അറിയപ്പെടുന്നത്.