ശമ്പള പരിഷ്ക്കരണ കമ്മീഷനുകൾ; സംഘടിത കൊള്ള .

by | May 8, 2020 | Uncategorized | 0 comments

താഴെ കാണുന്നത് 8,9,10 ശമ്പള പരിഷ്ക്കരണ കമ്മീഷനുകൾ വർധിപ്പിച്ച അടിസ്ഥാന ശമ്പളത്തിന്റെ താരമ്യമാണ് — 2004 മുതൽ 2014 വരെയുള്ള 10 വർഷം കൊണ്ട് ശമ്പളം ഏകദേശം 450% വരെ വർദ്ധിപ്പിച്ചതായി കാണാം (അലവൻസുകളും DA യും ഒക്കെ ഉൾപ്പെടെ ഇതിന്റെ ഇരട്ടിയിൽ കൂടുതലാണ് യഥാർത്ഥ ശമ്പളം, എന്ന് പറഞ്ഞാൽ രണ്ടും മൂന്നും ലക്ഷം ഒക്കെ) — ഈ കാലയളവിൽ എന്ത് ഉപഭോഗ സാധനങ്ങളുടെ വിലയാണ് 450% വർദ്ധിച്ചത്.– കർഷകൻ ഉത്പാദിപ്പിക്കുന്ന വസ്തുക്കൾക്ക് ഈ കാലയളവിൽ എത്ര ശതമാനം വർദ്ധനവ് ഉണ്ടായി??

10 വർഷത്തിന് ശേഷമേ ഇനി ശമ്പള പരിഷ്ക്കരണ കമ്മീഷൻ ഉള്ളൂ എന്ന് പറഞ്ഞാണ് 9-ാം കമ്മീഷൻ വൻ വർദ്ധനവ് നിർദ്ദേശിച്ചത് — എന്നാൽ കൃത്യം 5 വർഷം കഴിഞ്ഞപ്പോൾ ഉമ്മൻ ചാണ്ടി സർക്കാരിന്റെ കഴിവില്ലായ്മ മുതലെടുത്ത് ഉദ്യോഗസ്ഥർ സമ്മർദ്ദം ചെലുത്തി റിട്ട.ജസ്റ്റിസ് രാമചന്ദ്രൻ നായർ ചെയർമാനായ 10-ാം ശമ്പള കമ്മീഷനെ നിയമിച്ചു — പിന്നെ നടന്നത് സംഘടിത കൊള്ളയാണ്. അതാണ് ഇന്ന് ഈ നാടിനെ ഇപ്പോൾ കാണുന്ന ഗുരുതര സാമ്പത്തിക പ്രതിസന്ധിയിലേക്ക് തള്ളിവിട്ടത്.

റിട്ടയർ ചെയ്ത സർക്കാർ ഉദ്യോഗസ്ഥൻ ചെയർമാനായി സർവീസിലുള്ള 30- 35 ഉദ്യോഗസ്ഥർ ചേർന്നതാണ് ഈ പറയുന്ന ശമ്പള പരിഷ്ക്കരണ കമ്മീഷനുകൾ.– എന്ന് പറഞ്ഞാൽ ഉദ്യോഗസ്ഥർ അവർക്ക് ആവശ്യമുള്ളത് കള്ള കണക്കുകളുടെ പിൻബലത്തിൽ എഴുതിയെടുക്കുന്നു. ഇതിനെ ഒക്കെ ന്യായീകരിക്കാൻ നിരത്തുന്ന കണക്കുകൾ ഹാസ്യരസമാണ് — കൂലിവേലക്കാരന് മാസം 25 ദിവസം പണി ഉണ്ട് തുടങ്ങിയ തമാശകളും കാണാം. — 1988 മുതൽ 2004 വരെയുള്ള 16 വർഷം കൊണ്ട് 750 – 800% വരെ വർദ്ധിച്ചതായും ശമ്പളകമ്മീഷൻ റിപ്പോർട്ടുകളിൽ വ്യക്തമായി കാണിക്കുന്നുണ്ട് — എന്ന് പറഞ്ഞാൽ കഴിഞ്ഞ 26 വർഷം കൊണ്ട് ശമ്പളം 1200% ( 12 ഇരട്ടി) വർദ്ധിച്ചതായി കാണാം —

കൂടിയ ബുദ്ധിയും കഴിവും ഉള്ളവരായ സർക്കാർ ഉദ്യോഗസ്ഥർക്ക് ഇത്രയും ഒക്കെ കൊടുക്കണം എന്ന് വാദിക്കുന്നവർ ഇതിന് മറുപടി പറയണം. 75000 ഉം ഒരു ലക്ഷവും രണ്ടു ലക്ഷവും ഒക്കെ ശമ്പളം വാങ്ങുന്ന സർക്കാർ ഉദ്യോഗസ്ഥരും അധ്യാപകരും എന്തിനാണ് തങ്ങളുടെ മക്കളെ പഠനത്തിനായി മൂവ്വായിരവും നാലായിരവും മാത്രം ശമ്പളം പറ്റുന്ന പി എസ് സി ടെസ്റ്റുകൾ ഒന്നും പാസാകാത്ത അൺഎയ്ഡഡ് അധ്യാപകരുടെ അടുത്തേക്ക് വിടുന്നത് ??. എന്തായാലും ഉദ്യഗസ്ഥർക്ക് തങ്ങളുടെ സഹപ്രവർത്തകരുടെ കഴിവിനെ പറ്റി അത്രയ്ക്കും നല്ല മതിപ്പാണ് !!

പല കാരണങ്ങളാൽ ഉദ്യോഗസ്ഥരെ പേടിക്കേണ്ടി വരുന്ന രാഷ്ട്രീയക്കാരെ നോക്കുകുത്തികൾ ആക്കി സംഘടിത കൊള്ളയാണ് നടക്കുന്നത് — ആ കൊള്ള തുടരാൻ 11-ാം ശമ്പള പരിഷ്ക്കരണ കമ്മീഷനെ വിപ്ലവ സർക്കാർ നിയമിച്ചുകഴിഞ്ഞു. — ഈ കൊള്ളയെ തൊഴിലാളി ഐക്യവും അവകാശവും പറഞ്ഞു ന്യായീകരിക്കുന്നവരുടെ സാമൂഹ്യ ബോധം മനസ്സിലാവുന്നില്ല. — സർക്കാർ ഉദ്യോഗസ്ഥരുടെ ശമ്പളം കൂടുന്നത് വിപ്ലവകരവും കർഷകന്റെ വരുമാനം വർദ്ധിക്കുന്നത് പ്രതിലോമകരവും എന്ന് ചിന്തിക്കുന്ന അതിവിപ്ലവകാരികൾ ഉള്ളിടത്തോളം കാലം സംസ്ഥാനത്തിന്റെ സാമ്പത്തിക സ്ഥിതിയ്ക്ക് മാറ്റമൊന്നും വരില്ല — ഫെയ്‌സ് ബുക്ക് Biji Mathew Kulangara .

0 Comments

Submit a Comment

Your email address will not be published. Required fields are marked *

Latest News

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ഭാരതത്തിൽ ആയിരകണക്കിന് വർഷങ്ങളായി തുടർന്ന് വന്ന ചാതുർവർണ്യവ്യവസ്ഥാഭരണത്തിൽ ശൂദ്രർ നാലാംശ്രേണിയിൽ ബ്രാഹ്മണമേധാവിത്വത്തിൽ...

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

കേരളത്തിൽ തൃശ്ശൂർ ജില്ലയിൽ ചാവക്കാട്- പൊന്നാനി തീരദേശ പാതയിൽ പുന്നയൂർക്കുളം പഞ്ചായത്തിൽ അണ്ടത്തോട് - പെരിയമ്പലം എന്ന കടലോര ഗ്രാമത്തിൽ അവധൂത സിദ്ധ യോഗീശ്വരൻ സ്വാമി കൃഷ്ണാനന്ദ സരസ്വതി മഹാരാജ് 1961 ൽ ഭൂദാനയജ്ഞത്തിലൂടെ ലഭിച്ച ഒരേക്കർ സ്ഥലത്ത്  1963 -ൽ ആരംഭിച്ച കൃഷ്ണാനന്ദ...

error: Content is protected !!