ആയിരനാഴി കോവിലകം

by | Apr 10, 2020 | History | 0 comments

ഇത്‌ ആയിരനാഴി കോവിലകം-(ആയിരനാഴി കോവിലകം,മങ്കട കോവിലകം, അരിപ്ര, കടന്നമണ്ണ എന്നീ കോവിലകങ്ങളിൽ വച്ചുള്ളതിൽ വയസ്സിനു മൂത്ത തമ്പുരാനെയാണു വള്ളുവനാടിന്റെ രാജാവായി,വള്ളുവകോനാതിരിയായി തിരഞ്ഞെടുക്കുക) ആയിരനാഴി എന്ന പേരിന്‌ കാരണമായി എന്ന് ഇന്നും വിശ്വസിച്ചു പോരുന്ന കാലത്തിനു മായ്ക്കാൻ കഴിയാത്ത പ്രതാപത്തിന്റെ അടയാളം.വർഷങ്ങൾക്കു മുമ്പ്‌ ദിവസവും ആയിരംനാഴി വെച്ചുവിളമ്പി ഊട്ടിയിരുന്ന പാരമ്പര്യമുണ്ടായിരുന്ന കോവിലകമായിരുന്നു . അതു കൊണ്ടായിരുന്നു ആയിരനാഴി കോവിലകം എന്ന പേരു വന്നത്‌. പോരാത്തതിനു സമ്പന്നതയുടെ കാര്യത്തിലും കൃഷിയുടെ കാര്യത്തിലും ,ഇവർ മുൻപന്തിയിലായിരുന്നു. അതൊക്കെ കൊണ്ടാവാം ആയിരനാഴി എന്ന പേരുവന്നത്‌. പണ്ടുകാലത്ത്‌ ഇവിടെ അത്താഴപട്ടിണിക്കാർക്കായി ഭോജനശാലയെല്ലാം കെട്ടി ഭക്ഷണം കൊടുത്തിരുന്നുവത്രെ.

ഏകദേശം എണ്ണൂറിലധികം പഴക്കം കാണും ആയിരനാഴി കോവിലക പരമ്പരയ്ക്ക്‌. വള്ളുവകോനാതിരിയുടെ ആദ്യവും ആസ്ഥാനവും കടന്നമണ്ണയായിരുന്നു. ഇതിൽ നിന്നു പലകാലത്തായി പിരിഞ്ഞു പോന്നു മങ്കട , ആയിരനാഴി, അരിപ്ര,എന്നീ കോവിലകങ്ങൾ ഉണ്ടായി.ഏതാണു ആദ്യം പിരിഞ്ഞു പോയത്‌ എന്നതിനു രേഖകളില്ലാ. മാത്രമല്ലാ ഈ നാലുകോവിലകങ്ങളും സ്ഥിതി ചെയ്യുന്നത്‌ ഏതാണ്ട്‌ അഞ്ചു നാഴിക ചുറ്റളവിലുള്ള സമീപപ്രദേശങ്ങളിലാകുന്നു.പ്രതാപകാലത്തിന്റെ തിരുശേഷിപ്പുകള്‍ കുറെയൊക്കെ അവശേഷിച്ചിട്ടുള്ള വള്ളുവനാട്ടിലെ കോവിലകമാണ് ആയിരനാഴികോവിലകം.

കോവിലകത്തിനു ഏകദേശം ഒന്നരനൂറ്റാണ്ടിന്റെ പഴക്കം കണക്കാക്കുന്നു.തൊട്ടടുത്തുതന്നെയുള്ള കെട്ടിടത്തിനു ,പത്തായപ്പുരയ്ക്ക്‌ 70വര്‍ഷത്തെ പഴക്കമുണ്ട്.അഞ്ച് ഏക്രയോളം വരുന്ന പ്രദേശത്ത് 40സെന്റ് സ്ഥലത്താണ് ആയിരനാഴികോവിലകം സ്ഥിതിചെയ്യുന്നത്.26മുറികളും അടുക്കള,വരാന്ത,രണ്ടുനടുമുറ്റങ്ങള്‍,തെക്കിനി എന്നിവയടങ്ങിയ എട്ട് കെട്ടായാണ് കോവിലകം നിര്‍മ്മിച്ചിരിക്കുന്നത്.1904 ആണു ഈ കാണുന്ന കോവിലകം പണിപൂർത്തിയായത്‌. സാക്ഷാൽ കൊടുങ്ങല്ലൂർ കുഞ്ഞിക്കുട്ടൻ തമ്പുരാന്റെ നേതൃത്വത്തിൽ അദ്ദേഹത്തിന്റെ സഹോദരൻ കൊച്ചുണ്ണി തമ്പുരാന്റെ പ്ലാനിൽ , അവർ രണ്ട്‌ പേരും ആയിരനാഴിയിൽ വന്നു താമസിച്ച്‌ കൊടുങ്ങല്ലൂർ നിന്നു ശിൽപ്പികളെ കൊണ്ടുവന്നാണു ഈ കോവിലകം നിർമ്മിച്ചിരിക്കുന്നത്‌.നമ്പൂതിരിമാര്‍ തന്നെയാണ് കോവിലകത്തിനു വേണ്ടി കൊത്തുപണികള്‍തീര്‍ത്തത്.ഇവിടുത്തെ വാസ്തുവിദ്യ കാണെണ്ടതു തന്നെയാണു . മാപ്പിളലഹളക്കാലത്ത്‌ അക്രമികൾ ഇവിടുത്തെ വാതിലുകൾ ഇടിച്ചു പൊളിക്കാൻ ശ്രമിച്ചെങ്കിലും നടന്നില്ലാ. അത്രയ്ക്കു ഗംഭീരാണു ഇവിടുത്തെ മരപ്പണികൾ.രണ്ടുനടുമുറ്റത്തിൽ ഒരു നടുമുറ്റം വളരെ വലിപ്പമേറിയതാണു . അവിടെ വച്ചാണു ഇവിടുത്തെ അംഗങ്ങളുടെ വിവാഹം നടക്കുക.
കോവിലകം ക്ഷേത്രത്തിലും തെക്കിനിയിലും തിരുമാന്ധാം കുന്നിലമ്മയാണ് പ്രതിഷ്ഠ.മുന്‍ഭാഗത്ത് അരികിലായി കുളിപ്പുരയോടുകൂടിയ കുളം ഉണ്ട്‌ ഏകദേശം എൺപത്‌ വർഷങ്ങൾക്കു മുന്നെ കൊല്ലംങ്കോട്‌ രാജാവ്‌ ആയിരനാഴി സന്ദർശ്ശിക്കാൻ വന്നപ്പോൾ, അദ്ദേഹത്തിനു കുളത്തിലെ കുളി നിബന്ധനയിൽ ഉള്ളതിലാനും , 15 ദിവസത്തിനുള്ളിൽ വെട്ടുകെല്ല്ലാൽ പടുത്തുണ്ടാക്കിയ കുളമാണിത്‌.കോവിലകത്തിനു മുന്നിലൂടെ തോടു ഒഴുകുന്നുണ്ട്‌ . തോടിനോട്‌ ചേർന്ന് കുളപ്പുരയും ഉണ്ടാക്കിയിട്ടുണ്ട്‌. കുളം നിർമ്മിക്കുന്നതിനു മുന്നും അവിടെയായിരുന്നു കോവിലകത്തുള്ളവരുടെ നീരാട്ട്‌.തോടിനു കുറുകെ കോവിലകത്തെ ബന്ധിച്ചു നൂറ്റാണ്ടുകൾ പഴക്കമുള്ള ബ്രിട്ടീഷുകാരുടെ കാലത്ത്‌ നിർമ്മിച്ച ഇരുമ്പു പാലമുണ്ട്‌.പ്രതാപകാലത്ത് പന്ത്രണ്ടാനകളും നിരവധിസ്ഥലങ്ങളും ഉണ്ടായിരുന്നു.ആയിരനാഴി കോവിലകത്ത്‌ നിന്നു ഒരുപാട്‌ പ്രസിദ്ധരായ ഭരണാധികാരികൾ / വള്ളുവകോനാതിരിമാർ ഉണ്ടായിരുന്നു. സംസ്കൃത വിദ്ദ്വാനും കവിയുമായിരുന്ന ശ്രീ പൊന്നുണ്ണി രാജ,അതു പോലെ ആതുരസേവനരംഗത്തെ ഇതിഹാസമായിരുന്ന നന്മയുടെ മനുഷ്യരൂപമായിരുന്ന തമ്പുരാൻ ഡോക്ടർ എന്നറിയപ്പെടുന്ന ഡോ. ശ്രീ എ.സി.കെ രാജ , തുടങ്ങിയവർ ഈ ആയിരനാഴി കോവിലകത്തു നിന്നുള്ള പ്രസിദ്ധരായ വള്ളുവകോനാതിരിമാർ ആയിരുന്നു. ശ്രീ എ സി ഉദയവർമ്മ രാജയായിരുന്നു ആയിരനാഴികോവിലകത്ത്‌ നിന്നുള്ള അവസാനത്തെ വള്ളുവകോനാതിരി.

0 Comments

Submit a Comment

Your email address will not be published. Required fields are marked *

Latest News

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ഭാരതത്തിൽ ആയിരകണക്കിന് വർഷങ്ങളായി തുടർന്ന് വന്ന ചാതുർവർണ്യവ്യവസ്ഥാഭരണത്തിൽ ശൂദ്രർ നാലാംശ്രേണിയിൽ ബ്രാഹ്മണമേധാവിത്വത്തിൽ...

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

കേരളത്തിൽ തൃശ്ശൂർ ജില്ലയിൽ ചാവക്കാട്- പൊന്നാനി തീരദേശ പാതയിൽ പുന്നയൂർക്കുളം പഞ്ചായത്തിൽ അണ്ടത്തോട് - പെരിയമ്പലം എന്ന കടലോര ഗ്രാമത്തിൽ അവധൂത സിദ്ധ യോഗീശ്വരൻ സ്വാമി കൃഷ്ണാനന്ദ സരസ്വതി മഹാരാജ് 1961 ൽ ഭൂദാനയജ്ഞത്തിലൂടെ ലഭിച്ച ഒരേക്കർ സ്ഥലത്ത്  1963 -ൽ ആരംഭിച്ച കൃഷ്ണാനന്ദ...

error: Content is protected !!