ന്യൂഡൽഹി: കൊവിഡ് – 19 വ്യാപനത്തിന്റെ പശ്ചാത്തലത്തിൽ സിഗരറ്റ് ഒഴികെയുള്ള പുകയില ഉത്പന്നങ്ങൾ പൊതു ഇടത്തിൽ ഉപയോഗിക്കുന്നതും തുപ്പുന്നതും നിരോധിക്കാൻ സംസ്ഥാനങ്ങൾക്ക് കേന്ദ്ര ആരോഗ്യ മന്ത്രാലയത്തിന്റെ നിർദേശം. പാൻ മസാല പോലുള്ള പുകയില ഉത്പന്നങ്ങൾ ചവയ്ക്കുന്നത്  ഉമിനീർ അധികമായി ഉണ്ടാകുന്നതിന് കാരണമാകുന്നുണ്ട് . കൊവിഡ് വ്യാപനത്തിന്റെ  പശ്ചാത്തലത്തിൽ പൊതു  ഇടങ്ങളിൽ  തുപ്പുന്നത് അനുവദിക്കാനാവില്ലന്ന്  ചീഫ്  സെക്രട്ടറിമാർക്ക് അയച്ച കത്തിൽ വ്യക്തമാക്കുന്നു.. പൊതു ഇടത്തിൽ  തുപ്പുന്നവർക്ക് എതിരെ  സംസ്ഥാന സർക്കാരുകൾക്ക്, എപിഡമിക് ഡിസീസസ് ആക്ട്, ഡിസാസ്റ്റർ  മാനേജ്‌മെന്റ് ആക്ട്, വിവിധ ഐപിസി വകുപ്പുകൾ പ്രകാരം നടപടി സ്വീകരിക്കാമെന്ന്  കത്തിൽ  പറഞ്ഞിട്ടുണ്ട് . കേരളത്തിൽ അന്യ  സംസ്ഥാനത്ത് നിന്നും വന്ന് താമസിക്കുന്നവരാണ് നിരോധിച്ചിട്ടുള്ളതുൾപ്പടെയുള്ള പുകയില  ഉത്പന്നങ്ങൾ  വാങ്ങി ഉപയോഗിക്കുന്നത് . കള്ളക്കടത്ത് വഴിയാണ്  ചില കടകളിൽ  ഇത്തരം  ഉത്പന്നങ്ങൾ എത്തുന്നത് .ഏറെയും  അന്യ നാട്ടുകാരെ  പ്രതീക്ഷിച്ചാണ്  കച്ചവടം .