തിരുവനന്തപുരം : കഴിഞ്ഞ ശബരിമല ആചാര സംരക്ഷണ പോരാട്ട സമയത്ത് അന്താരാഷ്ട്ര ഹിന്ദു പരിഷത്ത് (AHP ) യുടെ അദ്ധ്യക്ഷൻ ഡോ.പ്രവീൺ ഭായ് തൊഗാഡിയയാണ് കേന്ദ്ര നിയമം കൊണ്ടുവന്ന് ക്ഷേത്രങ്ങളെ ദേവസ്വം ഭരണത്തിൽ നിന്ന് മോചിപ്പിക്കണമെന്ന ആവശ്യം ഉന്നയിച്ചത് ,മാത്രമല്ല 1984ലെ ശങ്കരൻ നായർ കമ്മീഷൻ റിപ്പോർട്ട് നടപ്പിലാക്കുകയും വേണം.
[ap_tagline_box tag_box_style=”ap-all-border-box”]1. ശ്രീപാർത്ഥസാരഥി ക്ഷേത്രം ബലമായ് കൈയ്യേറിയത് 2.ശബരിമലയിലെ ആചാരങ്ങളുടെ ലംഘനത്തിന് സർക്കാർ പിന്തുണ നൽകിയത് ,സായുധ സേനയെ ഉപയോഗിച്ച് അയ്യപ്പഭക്തരെ അടിച്ചൊതുക്കാനായ് നടന്ന ശ്രമങ്ങൾ … 3. ഹരിപ്പാട് ശ്രീ സുബ്രഹ്മണ്യസ്വാമി ക്ഷേത്രത്തിലെ ദേവൻ്റെ ആഭരണങ്ങൾ സ്ട്രോംഗ് റൂമിൽ നിന്നും ബാങ്ക് ലോക്കറിലേക്ക് മാറ്റുവാൻ നടന്ന ശ്രമങ്ങൾ … 4.ലോകനാർ കാവിലെ ക്ഷേത്രക്കുളത്തിൽ നിന്നും മത്സ്യം പിടിച്ച് വിൽക്കുവാൻ ടെണ്ടർ നൽകിയ മലബാർ ദേവസ്വം ബോർഡ് … 5 .കോവിഡ് പ്രതിസന്ധിയുടെ പേരിൽ ഗുരുവായൂർ ദേവസ്വത്തിൽ നിന്നും 5 കോടി രൂപ സർക്കാർ അപഹരിച്ചത് 6.തിരുവനന്തപുരം തീർത്ഥപാദ മണ്ഡപം പോലീസിനെ ഉപയോഗിച്ച് സർക്കാർ കൈയ്യേറിയത് .. 7.ഇപ്പോഴിതാ കോവിഡ് സാമ്പത്തിക പ്രതിസന്ധി മറി കടക്കുവാൻ ക്ഷേത്രങ്ങളിലെ നിലവിളക്കുകളും ഓട്ടു പാത്രങ്ങളും എടുത്ത് വിൽക്കുവാനുള്ള തിരുവിതാംകൂർ ദേവസ്വം ബോർഡിൻ്റെ തീരുമാനം …[/ap_tagline_box]
കേരളത്തിലെ സർക്കാർ സ്പോൺസേർഡ് ദേവസ്വം ബോർഡുകളുടെ ഹിന്ദുവിരുദ്ധ നയങ്ങൾ അനുദിനം വർദ്ധിക്കുകയാണ് …
ദേവസ്വം ബോർഡ് പിരിച്ചുവിട്ടു ഭരണം ഭക്തരെ ഏല്പിച്ചു കേന്ദ്രം നിയമം പാസ്സാക്കണം.
ക്ഷേത്രഭരണം ഭക്തരാൽ തിരഞ്ഞെടുക്കപ്പെട്ട സമിതികളെ ഏൽപ്പിക്കണം എന്ന് ശുപാർശ ചെയ്യുന്ന ജസ്റ്റിസ് ശങ്കരൻ നായർ കമ്മീഷൻ (1984)മുതൽ കേരള സർക്കാർ നിയമിച്ച പല കമ്മീഷനുകളും സമർപ്പിച്ച റിപ്പോർട്ടുകൾ സംസ്ഥാന സർക്കാരിന്റെ മുന്നിൽ പൂഴ്ത്തി വെച്ചിട്ടുണ്ട്. ഒരു ഡ്രാഫ്റ്റ് ബില്ല് വരെ ഉണ്ടാക്കിയതാണ്. ഒരു രാഷ്ട്രീയക്കാരനും ഇത് നടപ്പാക്കാൻ താൽപ്പര്യം ഇല്ല.
ഭരണഘടനയുടെ ഏഴാം പട്ടികയിൽ concurrent ലിസ്റ്റിൽ 28ആം entry കേന്ദ്ര സർക്കാറിന്‌ ക്ഷേത്ര വിഷയത്തിൽ നിയമം ഉണ്ടാക്കാനുള്ള അധികാരം നൽകുന്നുണ്ട്.
28. Charities and charitable institutions, charitable and religious endowments and religious institutions.
അതിനാൽ കേരളത്തിലെ ഹിന്ദുക്കളോടും ക്ഷേത്ര വിശ്വസികളോടും അൽപ്പമെങ്കിലും ആത്മാർഥത ഉണ്ടെങ്കിൽ കേന്ദ്ര സർക്കാർ ക്ഷേത്രങ്ങളെ ദേവസ്വം ബോർഡിന്റെയും സർക്കാരിന്റെയും കരാള ഹസ്തങ്ങളിൽ നിന്നും മോചിപ്പിക്കാൻ ഉടൻ നിയമം കൊണ്ടുവരണം. നിത്യവൃത്തിക്ക് കഷ്ടപ്പെടുന്ന നിരവധി ഹിന്ദു കുടുംബങ്ങളുണ്ട് ;കുട്ടികളുടെ വിദ്യാഭ്യാസം ,ഒരു നേരത്തെ ആഹാരത്തിന് വേണ്ടി എല്ലാം കഷ്ടപ്പെടുന്ന സമാജത്തിലെ ഹിന്ദു സോദരങ്ങളുടെ ഉന്നമനത്തിന് വേണ്ടിയാകണം ക്ഷേത്രങ്ങളുടെ വരുമാനം വിനിയോഗിക്കേണ്ടത് . കേരളത്തിലെ ഹിന്ദു ക്ഷേത്രങ്ങളെ രാഷ്ട്രീയക്കാരുടെയും ഹിന്ദു വിരുദ്ധ ദേവസ്വം ബോർഡുകളുടെയും കരങ്ങളിൽ നിന്ന് മോചിപ്പിക്കുവാൻ “ക്ഷേത്രവിമോചനപ്രക്ഷോഭ “ത്തിന് അന്താരാഷ്ട്ര ഹിന്ദു പരിഷത്ത് ആഹ്വാനം ചെയ്യുന്നു .മുഴുവൻ ഹൈന്ദവ വിശ്വാസികളും ധർമ്മാഭിമാനികളും കക്ഷി – രാഷ്ട്രീയ-ജാതി-സാമുദായിക ഭേദം വെടിഞ്ഞ് ഈ പ്രക്ഷോഭത്തിലണി ചേരണമെന്ന് അന്താരാഷ്ട്ര ഹിന്ദു പരിഷത്ത് -കേരളം സംസ്ഥാന ജനറൽ സെക്രട്ടറി ഹരി പാലോട് അഭ്യർത്ഥിച്ചു
0 Comments