[ap_tagline_box tag_box_style=”ap-bg-box”]ജില്ലയില്‍നിന്ന് ഇതുവരെ മടങ്ങിയത് 2439 അന്യസംസ്ഥാക്കാർ[/ap_tagline_box]

കോട്ടയം:  ജില്ലയില്‍നിന്ന് വിവിധ സംസ്ഥാനങ്ങളിലേക്ക് ഇതുവരെ മടങ്ങിയത് 2439 അന്യസംസ്ഥാക്കാർ  . ഏറ്റവുമധികം പേര്‍ തിരികെ പോയത് പശ്ചിമ ബംഗാളിലേക്കാണ്. മെയ് 18ന് കോട്ടയത്തുനിന്ന് ബംഗാളിലെ ന്യൂ കുച്ച് ബിഹാര്‍ സ്റ്റേഷനിലേക്കു പോയ ട്രെയിനില്‍ 1463 പേരാണ് ഉണ്ടായിരുന്നത്. യു.പി-763, രാജസ്ഥാന്‍-67, ഛത്തീസ്ഗഢ്-62, ഉത്തരാഖണ്ഡ്-49, മണിപ്പൂര്‍-19, ജമ്മു കശ്മീര്‍-11, മിസോറാം-മൂന്ന്, സിക്കിം-രണ്ട് എന്നിങ്ങനെയാണ് മറ്റു സംസ്ഥാനങ്ങളിലേക്ക് മടങ്ങിയ തൊഴിലാളികളുടെ എണ്ണം. ഇതില്‍ ബംഗാളും യു.പിയും ഒഴികെയുള്ള സംസ്ഥാനങ്ങിളില്‍നിന്നുള്ളവരെ എറണാകുളത്ത് എത്തിച്ചാണ് നാട്ടിലേക്കയച്ചത്.പശ്ചിമ ബംഗാളിലേക്കുള്ള രണ്ടാമത്തെ ട്രെയിന്‍ ഇന്ന്(മെയ് 26) വൈകുന്നേരം ആറിന് കോട്ടയത്തുനിന്ന് പുറപ്പെടും. ജില്ലയില്‍നിന്നുള്ള 1464 തൊഴിലാളികളാണ് ഇതില്‍ മടങ്ങുന്നത്. മീനച്ചില്‍-470, ചങ്ങനാശേരി-464, കോട്ടയം-300, വൈക്കം-130, കാഞ്ഞിരപ്പള്ളി-100 എന്നിങ്ങനെയാണ് ഇവരുടെ താലൂക്ക് തിരിച്ചുള്ള കണക്ക്. ഇവര്‍കൂടി യാത്രയാകുന്നതോടെ ജില്ലയില്‍നിന്ന് മടങ്ങിയ അന്യസംസ്ഥാക്കാരുടെ എണ്ണം 3903 ആകും. ആകെ 26822 തൊഴിലാളികളാണ് സ്വദേശത്തേക്ക് മടങ്ങാന്‍ സന്നദ്ധത അറിയിച്ചിരുന്നത്.