ചട്ടമ്പി സ്വാമികൾ വിശ്രമിച്ചിരുന്ന ഒരു വീടുണ്ടിവിടെ…

by | May 5, 2024 | Spirituality | 0 comments

വാമൊഴിയിൽ ചരിത്രത്തിൻ്റെ അതിജീവനം പ്രതിസന്ധിയിലാകുമ്പോൾ ഈ നാട്ടുകാർക്ക് നഷ്ടമാകുന്നത് മഹത്തായ ഒരധ്യായമാകും.

ചട്ടമ്പി സ്വാമികൾ തന്റെ യാത്രകളിൽ ഇടത്താവളമാക്കിയിരുന്ന നായർ ഭവനങ്ങളിലൊന്ന് ഇന്നും ഇവിടെ തലയുയർത്തി നിൽക്കുന്നു.

മേടയിൽ വീട്. ഓച്ചിറ ക്ഷേത്രത്തിൽ നിന്നും ഏതാണ്ട് ഒന്നര മയിൽ കിഴക്കു മാറി ആലപ്പുഴ-കൊല്ലം ജില്ലകളുടെ അതിർത്തി പ്രദേശമായ ഞക്കനാലാണ് ഈ വീട്.
ഈ പ്രദേശത്ത് ഇന്നുമുള്ള ഒരേയൊരു മേടനിർമ്മിതി (ഒന്നിലധികം നിലകളുള്ള കെട്ടിടം/മാളിക എന്നർത്ഥം). ഓച്ചിറയിൽ കൂടിയുള്ള യാത്രകൾക്കിടയിൽ ചട്ടമ്പി സ്വാമികൾ അവിടെ വന്നു പോകുന്നത് പതിവായിരുന്നു.

ജീവിതത്തിൻ്റെ അവസാന കാലം ഒരു നീണ്ടകാലയളവ് അദ്ദേഹം താമസിച്ചിരുന്നത് മേടയിൽ വീട്ടിലെ അതിഥിയായിട്ടായിരുന്നു. പന്മന ആശ്രമത്തിലേക്ക് പോകുംമുമ്പുള്ള സ്വാമികളുടെ ജീവിതം ഏറെക്കുറെ അവിടെ തന്നെയായിരുന്നുവെന്ന് പറയാം.

മേടയിലെത്തുമ്പോൾ അദ്ദേഹം അവിടെ അന്തിയുറങ്ങിയിരുന്നത് ഒരു പത്തായത്തിൻ്റെ മുകളിലായിരുന്നു. ചട്ടമ്പി സ്മരണകളുമായി അതിന്നും അവിടെ സുരക്ഷിതമാണ്.

തിരുവനന്തപുരത്തെ കണ്ണമ്മൂലയിലാണ് അയ്യപ്പൻ പിള്ള എന്ന് പേരിട്ടിരുന്ന കുഞ്ഞൻ പിള്ള ജനിച്ചതെങ്കിലും ദേശാടനങ്ങളും ജ്ഞാനവൈഭവങ്ങളും കൊണ്ട് അദ്ദേഹം സാർവ്വദേശീയനായിരുന്നു.

ചട്ടമ്പി സ്വാമികളുടെ യാത്രകളും കണ്ടുമുട്ടലുകളും ചരിത്രരേഖകളിൽ ഏറെയാണ്. നായർ സമുദായത്തിൻ്റെ ഗുരുവരനായ ചട്ടമ്പിസ്വാമികളുടെ നിലപാടുകളും പ്രവർത്തനങ്ങളും നായന്മാരുടെ സ്വത്വം ഉണർത്തുന്നവയായിരുന്നെന്ന് നമുക്കറിയാം. ബ്രാഹ്മണമേൽക്കോയ്മയെ എതിർത്തു കൊണ്ട് ജ്ഞാനസമ്പാദനത്തിന് ഊന്നൽ നൽകി സ്വാമികൾ നൽകിയ ദിശാബോധം ചെറുതല്ല.

അങ്ങനെയുള്ള സ്വാമികളുടെ സാന്നിധ്യം കൊണ്ട് അനുഗൃഹീതമാണ് മേടയിൽ വീട്. അക്കാലത്ത് ജീവിച്ചിരുന്ന കുഞ്ഞിക്കുട്ടി പിള്ളയുടെ സന്തതി പരമ്പരകൾ ഇന്നും സംരക്ഷിച്ചു വരുന്ന പുരാതനമായ ആ മേടയിൽ വീടും പത്തായവും നൂറ്റാണ്ടുകൾ പഴക്കമുള്ള കൊച്ചുകളീക്കൽ കുടുംബത്തിന്റെ ശാഖയിൽ ഉൾപ്പെട്ടതാണ്.

തങ്ങളുടെ വീട്ടിൽ വന്നിരുന്ന ആ സാധു ഇങ്ങനെയൊരു മഹാദിവ്യനായിരുന്നെന്ന് ഒരു പക്ഷെ, അക്കാലത്തുള്ളവർ വേണ്ടവിധം തിരിച്ചറിയാതെ പോയിരുന്നിരിക്കണം.

ചട്ടമ്പി സ്വാമികൾ വന്നിരുന്നതിന്റെ കഥകൾ കുഞ്ഞിക്കുട്ടിപ്പിള്ളയും മക്കളും പറഞ്ഞിരുന്നത് കേട്ട് വളർന്നവരാണ് ഇന്നത്തെ തലമുറ. അതൊക്കെ അവർ ഓർത്തെടുക്കേണ്ടതും ഇളംതലമുറയ്ക്കും പൊതു സമൂഹത്തിനും കൈമാറേണ്ടതും കാലം ആവശ്യപ്പെടുന്നതാണ്.

1924 മെയ് 5 ന് കൊല്ലം ജില്ലയിൽ കുമ്പളത്ത് ശങ്കുപ്പിള്ള സ്ഥാപിച്ച പന്മന ആശ്രമത്തിലാണ് ചട്ടമ്പി സ്വാമികൾ സമാധിയായത്. അദ്ദേഹത്തിൻ്റെ സമാധിയ്ക്ക് കൊല്ലവർഷ കണക്കിലെ തിഥിയനുസരിച്ച് മെയ് 8 ന് 100 വർഷം തികയുകയാണ്. ഇംഗ്ലീഷ് കലണ്ടർ പ്രകാരം 2024 മെയ് 5 നും.

സ്വാമികളുടെ സമാധിയുടെ ശതാബ്ദി ആചരിക്കുന്ന ഈ വേളയിൽ ഗുരുസ്പർശത്തിന്റെ മഹത്ചരിതങ്ങളുമായി തലയുയർത്തി നിൽക്കുന്ന മേടയിൽ വീട് തീർച്ചയായും ഒരഭിമാനമാണ്.

ജി ഗിരീഷ് കുമാർ

0 Comments

Submit a Comment

Your email address will not be published. Required fields are marked *

Latest News

മലയാളികളുടെ വിധുബാലയ്ക്ക് ഇന്ന് എഴുപതാം പിറന്നാൾ

മലയാളികളുടെ വിധുബാലയ്ക്ക് ഇന്ന് എഴുപതാം പിറന്നാൾ

മലയാളികളുടെ പ്രിയപ്പെട്ട നായിക വിധുബാലയ്ക്ക് ഇന്ന് എഴുപതാം പിറന്നാൾ .1954 മെയ് 24 നാണ് ജനനം .1970 കളുടെ മധ്യത്തിൽ അഭിനയരംഗത്തേക്ക് വന്ന വിധുബാല അവരുടെ അഭിനയജീവിതത്തിലെ ഏറ്റവും മികച്ച സമയത്ത് ചലച്ചിത്രരംഗത്ത് നിന്ന് പിന്മാറുകയായിരുന്നു .ചലച്ചിത്രഛായാഗ്രാഹകൻ മധു...

ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള പരിശീലനം നടന്നുവരുന്നു

ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള പരിശീലനം നടന്നുവരുന്നു

സംസ്ഥാനത്ത് 13,000 ഹൈസ്‌കൂൾ, ഹയർസെക്കൻഡറി അധ്യാപകർ പൊതുവിദ്യാഭ്യാസ വകുപ്പിന്റെയും കൈറ്റിന്റെയും നേതൃത്വത്തിൽ നടന്നു വരുന്ന ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള പരിശീലനം പൂർത്തിയാക്കി. അടുത്ത ബാച്ചുകൾക്കായുള്ള പരിശീലനം 140 കേന്ദ്രങ്ങളിലായി മെയ് 23-നും 27-നും...

മഹാരാഷ്ട്ര തീരത്ത് അഞ്ച് ജീവനക്കാരുമായി മത്സ്യബന്ധന കപ്പൽ ഐസിജി പിടികൂടി; 27 ലക്ഷം രൂപ വിലവരുന്ന കണക്കിൽ പെടാത്ത അഞ്ച് ടൺ ഡീസൽ പിടികൂടി

മഹാരാഷ്ട്ര തീരത്ത് അഞ്ച് ജീവനക്കാരുമായി മത്സ്യബന്ധന കപ്പൽ ഐസിജി പിടികൂടി; 27 ലക്ഷം രൂപ വിലവരുന്ന കണക്കിൽ പെടാത്ത അഞ്ച് ടൺ ഡീസൽ പിടികൂടി

2024 മെയ് 16-ന് മഹാരാഷ്ട്ര തീരത്ത് അനധികൃതമായി ഡീസൽ കടത്തുകയായിരുന്ന 'ജയ് മൽഹർ' എന്ന അഞ്ചംഗ മത്സ്യബന്ധന കപ്പൽ ഇന്ത്യൻ കോസ്റ്റ് ഗാർഡ് (ഐസിജി) പിടികൂടി. മത്സ്യബന്ധനത്തിൽ ഒളിപ്പിച്ച ഏകദേശം 27 ലക്ഷം രൂപ വിലമതിക്കുന്ന അഞ്ച് ടൺ കണക്കിൽപ്പെടാത്ത ഡീസൽ. പരിശോധനയിൽ ചെറിയ അളവിൽ...

റഷ്യ ; പുതിയ സർക്കാരിന്റെ ആദ്യയോഗം നടന്നു

റഷ്യ ; പുതിയ സർക്കാരിന്റെ ആദ്യയോഗം നടന്നു

പുതുതായി നിയമിതനായ ഗവൺമെൻ്റിൻ്റെ ആദ്യ യോഗത്തിൽ മിഖായേൽ മിഷുട്ടിൻ അധ്യക്ഷനായി .. ജനങ്ങളോട് നന്ദി പറഞ്ഞുകൊണ്ട് യോഗം ആരംഭിച്ചു .അതേസമയം, ഇത് ഒരു വലിയ ഉത്തരവാദിത്തവുമാണ്. പ്രസിഡൻ്റും റഷ്യയിലെ ജനങ്ങളും നമ്മിൽ അർപ്പിക്കുന്ന വിശ്വാസത്തിന് അനുസൃതമായി സർക്കാർ ഉത്സാഹത്തോടെയും...

ടിപ്പണികളും സങ്കീർണമായ ചോദ്യങ്ങളും ചോദിക്കരുത് ; പിന്നോക്ക വിഭാഗ കമ്മീഷൻ

വിശദീകരണങ്ങളും വ്യാഖ്യാനങ്ങളും ടിപ്പണികളും ആവശ്യപ്പെടരുതെന്നും സംശയ നിവാരണം തേടരുതെന്നും സുദീര്ഘവും സങ്കീർണവുമായ ചോദ്യങ്ങളും ചോദിക്കരുതെന്നും കേരള സംസ്ഥാന വിവരാവകാശ കമ്മീഷൻ വിവരാവകാശ ചോദ്യങ്ങൾക്കുള്ള മറുപടിയായിഅപേക്ഷകനോട് പറഞ്ഞു .സംസ്ഥാന പിന്നോക്ക വിഭാഗ പട്ടികയിൽ ജാതി...

error: Content is protected !!