തമിഴ് നാട്ടിൽ നിന്നും ലക്ഷകണക്കിന് ക്രാക്ക്‌ഡ്‌ മുട്ട കേരളത്തിൽ എത്തുന്നതായി ഒരു ന്യുസ് ചാനൽ റിപ്പോർട്ട് ചെയ്തിരിക്കുന്നു .കേരളത്തിൽ ബേക്കറി ആവശ്യത്തിനും തട്ടുകടകളിലും പ്രതിദിനം ആയിരകണക്കിന് മുട്ടയാണ് ഉപയോഗിക്കുന്നത് .സാധാരണ മുട്ടയ്ക്ക് അഞ്ച് രൂപവരെ വിലയുള്ളപ്പോൾ ക്രാക്കിഡ്‌ മുട്ടയ്ക്ക് ഒന്നര രൂപവരെയാണ് വില .ആയിനത്തിൽ തന്നേ കച്ചവടക്കാർ ആയിരങ്ങളാണ് ലാഭം കൊയ്യുന്നത് .ക്രാച്ചറികളിൽ ഇരുപത് ദിവസം വരേ കഴിഞ്ഞിട്ടും വിരിയാത്ത മുട്ടയാണ് ക്രാക്ക്ഡ് മുട്ടയെന്ന് അറിയപ്പെടുന്നത് . ഇതു ഉപയോഗിക്കുവാൻ പാടില്ലാത്ത കേടായ മുട്ടയാണ് . ഇതാണ് സാധാരണക്കാർ തട്ടുകടകളിൽ നിന്നും ഡബിളും സിങ്കിളും ബുൾസെ എന്നു പറഞ്ഞൊക്കെ തട്ടിവിടുന്നത് .പൂർവികമായി വീട്ടുവളപ്പിൽ വളർത്തിയിരുന്ന കോഴികളിടുന്ന മുട്ട മലയാളികൾ ആരോഗ്യത്തിന് ഉപയോഗിച്ചിരുന്നു .അത്തരമൊരു ഭക്ഷണ ക്രമത്തെ ചൂഷണം ചെയ്താണ് യാതൊരു ഉപയോഗങ്ങളുമില്ലാത്ത ആരോഗ്യത്തിന് ഹാനികരമായ മുട്ട തമിഴ് നാട്ടിൽ നിന്നും വിപണിയിലെത്തിക്കുന്നത് .കേരളത്തിലെ ഭക്ഷ്യ സുരക്ഷാ വകുപ്പ് പരാജയമാണ് .നിർജ്ജീവമാണ് …തമിഴ് ലോബികൾക്കുമുന്നിൽ അടിയറവ് പറഞ്ഞിരിക്കുകയാണ് . വേണ്ടത്ര ലാബ് സംവിധാനങ്ങളുമില്ല .ഭക്ഷണകാര്യങ്ങളിൽ ജനങ്ങൾ ഗൗരവമായ ശ്രദ്ധ ചെലുത്തേണ്ടിയിരിക്കുന്നു . ജനങ്ങളുടെ പണം കൊണ്ട് ജീവിക്കുന്ന ഉദ്യോഗസ്ഥർക്ക് അൽപ്പമെങ്കിലും ഉത്തരവാദിത്വം ശേഷിച്ചെങ്കിൽ കേരളത്തിൽ ഇത്രയും കാൻസർ രോഗികൾ ഉണ്ടാകുമായിരുന്നില്ല .