കൊട്ടാരക്കര: നെല്ലിക്കുന്നം, കൊച്ചാലുംമൂട് മുബാറക് മൻസിലിൽ സൈനുലബ്ദ്ദീൻ മകൻ ഇസഹാക്ക്.എസ് ആണ് ആറര കിലോ കഞ്ചാവും, 12 കുപ്പി ​ഗോവൻ നിർമ്മിത വിദേശ മദ്യവുമായി പിടിയിലായത്. കൊല്ലം റൂറൽ‌ ജില്ലാ പോലീസ് മേധാവിക്ക് കിട്ടിയ രഹസ്യ വിവരത്തെ തുടർന്ന് ജില്ലയിലെ ആന്റി നർക്കോട്ടിക് വിം​ഗ് ഉദ്യോ​ഗസ്ഥരായ എസ്.ഐ മാരായ ബാബുക്കുറുപ്പ്, ശിവശങ്കരപിള്ള, എ.എസ്.ഐ മാരായ അജയകുമാർ, രാധാകൃഷ്ണപിള്ള , ആഷിഷ് കോഹൂർ, ബിനു.സി.എസ്, സജി ജോൺ സി.പി.ഒ മാരായ സലിൽ, ശ്യാംകുമാർ എന്നിവർ ചേർന്നാണ് പ്രതിയെ അറസ്റ്റ് ചെയതത്. കൊട്ടാരക്കര തഹസീൽദാർ കൊട്ടാരക്കര സി.ഐ പ്രശാന്ത്, എസ്.ഐ. രാജീവ് എന്നിവരുടെ നേതൃത്വത്തിൽ കേസ് എടുത്തു പ്രതിയെ കോടതിയിൽ ഹാജരാക്കി. ഹ്യുണ്ടായ് I-20 കാറിൽ പാലക്കാട് മണ്ണാർകാട്ട് നിന്നും കടത്തിക്കൊണ്ട് വരികയായിരുന്നു. ഓടനാവട്ടം, മുട്ടറ, പൂയപ്പള്ളി, ഉമ്മന്നൂർ, കുടവട്ടൂർ തുടങ്ങിയ മേഖലകളിലെ കഞ്ചാവ് വില്പനക്കാരനാണ് പ്രതി.