സംസ്ഥാനത്തെ  മുതിർന്ന ഒരു  ഐ പി എസ്  ഉദ്യോഗസ്ഥന്റെ  അവസ്ഥ  ഇന്ന്  അദ്ദേഹം  തന്നേ സോഷ്യൽ  മീഡിയ  വഴി  പുറത്ത്  വിട്ടു .കേരളം  പോലൊരു  സ്റ്റേറ്റിന്  നാണക്കേടാണ്  ഇത് .വോട്ടുചെയ്തു  ജയിപ്പിക്കുന്ന  പൗരന്മാരെ  പുല്ലുവിലപോലും  രാഷ്ട്രീയം  കളിച്ചു  നടക്കുന്നവർ കൽപ്പിക്കുന്നില്ലന്ന്  വീണ്ടും  തെളിയിക്കുന്നതാണ് .  കേരളത്തിൽ വിദ്യാസമ്പന്നരുടെ അതിപ്രസരമാണെന്നാണ്  വയ്പ്പ് പക്ഷെ  സാമൂഹ്യമായ  ബോധം  കൂടുതൽ  പേർക്കും  കഷ്ടിയെന്ന് പറയേണ്ടിവരും .  അല്ലേൽ  രാഷ്ട്രീയ  കോമരങ്ങൾ  ഇത്രയും  തുള്ളില്ല . ജനത്തിന്റെ  നികുതി  പണവും  പൊതുസമ്പത്തും  കട്ട്  കുടിച്ചുകൊണ്ട്  മുന്നേറുന്നവർ  അൽപ്പം  പോലും  മര്യാദ കാണിക്കുന്നില്ല .   രാഷ്ട്രീയക്കാരുടെ  കാര്യത്തിൽ  കേരളീയർ  ഒരു  പുനർചിന്തയ്ക്ക് സമയമായിരിക്കുന്നു .  അധികാരം  കൊണ്ട്  താഴെക്കിടയിലുള്ള  അംഗം  മുതൽ പണമുണ്ടാക്കുന്നത് ഒരു  ഫാഷനായി  മാറിയിട്ട്  കാലങ്ങളായി …രാഷ്ട്രീയ  പകപോക്കൽ  അടുത്തകാലത്തായി വർദ്ധിച്ചിരിക്കുന്നത്  നമ്മൾ  കാണുന്നതാണ് . ജനത്തിന്  സേവനം  ചെയ്യുന്നവരെയല്ല , മറിച്ച് രാഷ്ട്രീയപാർട്ടികൾക്ക്   സേവനം  ചെയ്യുന്നവരേയാണ്നേ താക്കന്മാർക്കും  അവരുടെ  മന്ത്രിമാർക്കും ഇഷ്ടം .അല്ലാത്തവരെ  പടിയടച്ചു പിണ്ഡം  വയ്ക്കാൻ ഒരു  മടിയുമില്ല . ട്രാൻസ്പോർട്ടിന്റെ  നഷ്ടം കുറച്ച്‌  ജനകീയവത്കരിച്ചു  കൊണ്ടുവന്ന  തച്ചങ്കരിയെ യൂണിയൻ കാപാലികർ നിലം തോടിച്ചില്ല .വിജിലൻസിന്റെ  പവർ  കാണിച്ച  ജേക്കബ്ബ്  തോമസിനെ  ഒരു  സ്ഥാപനം  ഭരിക്കാൻ കൊണ്ടിരുത്തി .കാൽകീഴിൽ   കിടക്കാത്ത  സെൻകുമാറിനെ  കസേരയിൽ സമാധാനമായി ഇരിക്കുവാൻ സമ്മതിച്ചില്ല . ഇങ്ങനെ ഐ പി എസ് കാരെ  സ്ഥാപനങ്ങൾ  ഭരിക്കാൻ  ഏൽപ്പിക്കുന്നത്  വളരെ  കാലം  മുൻപേ മതിയാക്കേണ്ടിയിരുന്നു . അവരെ  തരം  താഴ്ത്തുന്നതിന്  തുല്യമാണ്  ഇത്തരം  പ്രവർത്തികൾ .വങ്കത്തരം  പിടിച്ച  രാഷ്ട്രീയക്കാർക്ക്  അഡ്മിനിസ്ട്രേഷൻ  കൈകാര്യം  ചെയ്യുന്നവരേ പീഡിപ്പിക്കുവാൻ  കഴിയുന്നതിൽ  പരം  ജനാധിപത്യത്തിന്  ഇടിവുതട്ടാനില്ലാ ….