പുരാണങ്ങളെ അടിസ്ഥാനമാക്കി ഡെമോക്രാറ്റിക് സോഷ്യൽ ജസ്റ്റിസ് പാർട്ടി (DSJP) യുടെ പ്രവാസി ഘടകമായ “മുന്നോട്ട്” നടത്തിയ അന്താരാഷ്ട്ര ക്വിസ് മത്സരം അംഗങ്ങളുടെ പങ്കാളിത്തം കൊണ്ടും മത്സര ആവേശം കൊണ്ടും വളരെ ശ്രദ്ധയാകർഷിച്ചു.
മത്സരത്തിൽ ശ്രീ രതീഷ് വിജയൻ, കുവൈറ്റ് ഒന്നാം സ്ഥാനവും, കുമാരി ദേവ പ്രിയ, ആലുവ രണ്ടാം സ്ഥാനവും, രാമപ്രസാദ്, ദുബായ് മൂന്നാം സ്ഥാനവും നേടിയതായി DSJP (NRI) സ്റ്റേറ്റ് വൈസ് പ്രസിഡണ്ടും, “‘മുന്നോട്ടു”‘ പ്രസിഡണ്ടും ആയ കാളിദാസ് മേനോൻ ഒരു പ്രസ്താവനയിൽ അറിയിച്ചു. ക്വിസ് മാസ്റ്റർ ശ്രീ അയ്മനം അജിത്,നയിച്ച പരിപാടിയിൽ നാലാം സ്ഥാനം രാഹുൽ G പിള്ള, കുവൈറ്റും അഞ്ചാം സ്ഥാനം പ്രിയദർശിനിയും കരസ്ഥമാക്കി.
ചടങ്ങിൽ പങ്കെടുത്തുകൊണ്ട് DSJP സ്റ്റേറ്റ് പ്രസിഡന്റ് KSR മേനോൻ ഇത്തരം മത്സരങ്ങൾ പുതിയ തലമുറയ്ക്ക് നമ്മുടെ പുരാണങ്ങളെ കുറിച്ച് കൂടുതൽ അറിവ് നൽകുവാൻ ഉപകരിക്കുമെന്ന് അഭിപ്രായപെട്ടു.
ഓണാഘോഷത്തോട് അനുബന്ധിച്ചു നടത്തിയ മത്സരങ്ങൾക്ക് ശ്രീ കാളിദാസ് മേനോൻ ശ്രീ ജയരാജ് മനഴി (ഇവന്റ് കൺവീനർ) തുടങ്ങിയവർ നേതൃത്വം നൽകി. ഈ കഴിഞ്ഞ വെള്ളിയാഴ്ച 27നു നടന്ന പരിപാടിക്ക് കുമാരി ലക്ഷ്മി, രാജേഷ് തുടങ്ങിയവർ സാങ്കേതിക സഹായം നൽകി.
0 Comments