മാനസികാരോഗ്യത്തിന് ടെലി സാന്ത്വനം..

by | Apr 17, 2020 | Latest | 0 comments

വയനാട്:കോവിഡ് 19 രോഗവ്യാപനത്തിന്റെ പശ്ചാത്തലത്തില്‍ ആരോഗ്യവകുപ്പിന്റെയും കേരളാ ഗവണ്‍മെന്റ് മെഡിക്കല്‍ ഓഫീസേഴ്‌സ് അസോസിയേഷന്റെയും (കെ.ജി.എം.ഒ.എ) ആഭിമുഖ്യത്തില്‍ മാനസികാരോഗ്യ പ്രശ്‌നങ്ങളുള്ളവര്‍ക്കായി ടെലി മെഡിസിന്‍ സംവിധാനം ഒരുക്കി. ടെലി സാന്ത്വനം എന്ന പേരിലാണ് കല്‍പ്പറ്റ ജനറലാശുപത്രി കേന്ദ്രീകരിച്ച് ടെലി മെഡിസിന്‍ സംവിധാനം ഏര്‍പ്പെടുത്തിയത്. എല്ലാ ദിവസവും രാവിലെ 10 മുതല്‍ ഉച്ചയ്ക്ക് 1 മണി വരെയാണ് സേവനം ലഭ്യമാകുക. ആശുപത്രിയില്‍ നടന്ന ചടങ്ങില്‍ ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക സൈക്യാട്രി ഡിപ്പാര്‍ട്ടുമെന്റ് വിഭാഗം മേധാവി ഡോ.ജോസ്റ്റിന്‍ ഫ്രാന്‍സിസിന് മൊബൈല്‍ കോള്‍ ചെയ്തു ടെലി മെഡിസിന്‍ സംവിധാനം ഉദ്ഘാടനം ചെയ്തു. രോഗവ്യാപനത്തിന്റേയും ലോക്ഡൗണിന്റേയും പശ്ചാത്തലത്തില്‍ സവിശേഷ ശ്രദ്ധയും പരിചരണവും ആവശ്യപ്പെടുന്ന ഒന്നാണ് മാനസികാരോഗ്യ പരിപാലനമെന്ന് ഡോ.ജോസ്റ്റിന്‍ ഫ്രാന്‍സീസ് പറഞ്ഞു.
ജില്ലാശുപത്രി കോവിഡ് സെന്ററായി മാറ്റപ്പെട്ടതോടെ നിലവില്‍ സൈക്യാട്രി വിഭാഗത്തിന്റെ സേവനം ജനറലാശുപത്രിയില്‍ നിന്നാണ് നല്‍കുന്നത്. സേവനങ്ങള്‍ കൂടുതല്‍ പേരില്‍ എത്തിക്കുകയെന്ന ഉദ്ദേശത്തോടെയാണ് ടെലി സാന്ത്വനം പരിപാടി വിഭാവനം ചെയ്തിരിക്കുന്നത്. സേവനം ആവശ്യമുളളവര്‍ നേരിട്ടോ ബന്ധുക്കള്‍ വഴിയോ ആരോഗ്യ പ്രവര്‍ത്തകര്‍ മുഖേനയോ ഏറ്റവും അടുത്തുള്ള പ്രാഥമികാരോഗ്യ കേന്ദ്രത്തിലെ മെഡിക്കല്‍ ഓഫീസറെ ബന്ധപ്പെടണം. മെഡിക്കല്‍ ഓഫീസര്‍ രോഗവിവരങ്ങള്‍ ശേഖരിക്കുകയും പ്രാഥമിക പരിശോധനകള്‍ പൂര്‍ത്തിയാക്കിയശേഷം സൈക്യാട്രി വിഭാഗത്തിന്റെ ഹെല്‍പ്പ് ലൈന്‍ നമ്പറില്‍ ബന്ധപ്പെടും. മെഡിക്കല്‍ ഓഫീസറില്‍ നിന്നു ലഭിക്കുന്ന രോഗവിവരങ്ങള്‍ വിശകലനം ചെയ്താണ് സൈക്യാട്രി വിഭാഗം തീരുമാനമെടുക്കുക.
ലഘു മനോരോഗങ്ങള്‍ക്ക് മെഡിക്കല്‍ ഓഫീസര്‍ മുഖേന മരുന്നുകള്‍ നിര്‍ദ്ദേശിക്കും. ഈ മരുന്നുകള്‍ പ്രാഥമികാരോഗ്യകേന്ദ്രത്തില്‍ നിന്നോ കുടുംബാരോഗ്യ കേന്ദ്രത്തില്‍ നിന്നോ ലഭ്യമാകും. ദീര്‍ഘകാലമായി മരുന്നുകള്‍ കഴിക്കുന്നവര്‍ക്കും മരുന്നുകള്‍ മുടങ്ങിപ്പോയവര്‍ക്കും തുടര്‍ ചികിത്സയ്ക്കാവശ്യമായ നിര്‍ദ്ദേശങ്ങളും നല്‍കും. ഗുരുതര സ്വഭാവമുള്ള മനോരോഗ ലക്ഷണങ്ങള്‍ പ്രകടിപ്പിക്കുന്ന വ്യക്തികളെ വിദഗ്ദ്ധ ചികിത്സക്കായി ആശുപത്രിയിലേക്ക് മാറ്റും. കിടത്തി ചികിത്സ ആവശ്യമുള്ള വര്‍ക്ക് അതിനുള്ള സംവിധാനവുമൊരുക്കും.കൗണ്‍സിലിംഗ് ആവശ്യമുള്ളവര്‍ക്ക് വിമുക്തി ലഹരി വിമോചന കേന്ദ്രത്തിന്റെ സഹകരണത്തോടെ കൗണ്‍സിലിംഗ് ഏര്‍പ്പെടുത്തും. കൂടുതല്‍ വിവരങ്ങള്‍ക്ക് ജനറലാശുപത്രി സൈക്യാട്രി വിഭാഗവുമായി ബന്ധപ്പെടണം.

0 Comments

Submit a Comment

Your email address will not be published. Required fields are marked *

Latest News

പൊതുവിദ്യാഭ്യാസ രംഗത്ത് കേരളം നടത്തുന്ന മുന്നേറ്റത്തിന് ഊർജ്ജം പകർന്നുകൊണ്ട് ഇന്ന് 68 പുതിയ സ്കൂള്‍ കെട്ടിടങ്ങളുടെ ഉദ്ഘാടനവും 33 സ്കൂള്‍ കെട്ടിടങ്ങളുടെ ശിലാസ്ഥാപനവും നടന്നു. 68 സ്കൂള്‍ കെട്ടിടങ്ങളില്‍ 31 എണ്ണം കിഫ്ബി ഫണ്ടുപയോഗിച്ച് നിര്‍മ്മിച്ചവയാണ്. അവയില്‍ രണ്ട്...

സ്വാഗതം’ജനാധിപത്യത്തിലേക്ക് !    ബിജെപി ചരിത്രംകുറിക്കും.    താമര വിരിയും.

സ്വാഗതം’ജനാധിപത്യത്തിലേക്ക് ! ബിജെപി ചരിത്രംകുറിക്കും. താമര വിരിയും.

കേരളത്തെ ഞെട്ടിച്ചുകൊണ്ട് വരുന്ന ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് ബിജെപി ചരിത്രം കുറിക്കും ?തിരുവിതാംകൂർ രാജവംശത്തിൽ നിന്ന് അപ്രതീക്ഷിത തീരുമാനം ഉണ്ടായാൽ പത്മനാഭന്റെ മണ്ണിൽ ആദിത്യവർമ്മ സ്ഥാനാർത്ഥിയാകും.ഇങ്ങനെ സംഭവിച്ചാൽ ചരിത്രം ബിജെപിയ്ക്ക് വഴിമാറും...

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

error: Content is protected !!