======================================

കോട്ടയം : ഹിന്ദുഐക്യവേദി  സംസ്ഥാന  പ്രതിനിധിസമ്മേളനം  2021  ജൂലായ്‌ 18ന്ഞായറാഴ്ച  നടക്കുമെന്ന്   ഹിന്ദുഐക്യവേദി  സംസ്ഥാന  ജനറൽ  സെക്രട്ടറി   ഈ. എസ്. ബിജു  അറിയിച്ചു. രാവിലെ  9ന്  ഓൺലൈനിൽ  ആരംഭിക്കുന്ന  സമ്മേളനം  വൈകുന്നേരം  5  മണിയ്ക്ക് സമാപിക്കും,  ഹിന്ദുഐക്യവേദി  സംസ്ഥാന  രക്ഷാധികാരിമാരായ   ആചാര്യ  എം  കെ. കുഞ്ഞോൽ  , കെ. എൻ. രവീന്ദ്രനാഥ്‌, പി. കെ. ഭാസ്കരൻ,  ആർ എസ് എസ് ക്ഷേത്രീയ സഹ  കാര്യവാഹ്  എം.രാധാകൃഷ്ണൻ,  പ്രാന്ത പ്രചാരക്  പി.എൻ. ഹരികൃഷ്‌ണകുമാർ, ഹിന്ദു ഐക്യവേദി  സംസ്ഥാന  അധ്യക്ഷ,  കെ. പി. ശശികല ടീച്ചർ, വർക്കിംഗ്‌  പ്രസിഡന്റ്   കെ. വി ശിവൻ, ജനറൽ  സെക്രട്ടറിമാരായ  ബ്രഹ്മചാരി  ഭാർഗവ റാം , ആർ . വി. ബാബു, കെ. പി. ഹരിദാസ്,   ഈ. എസ്. ബിജു, സംഘടനാ സെക്രട്ടറി സി. ബാബു, വി. സുശികുമാർ,ട്രഷറർ കെ. അര വിന്താക്ഷൻ നായർ, പി. ജോതീന്ദ്രകുമാർ  എന്നിവർ  വിവിധ  വിഷയങ്ങളിൽ  ചർച്ചകൾ നയിക്കും,  കോവിഡ്‌  മാനദണ്ഡങ്ങളുടെ  അടിസ്ഥാനത്തിൽ  ഓൺലൈനിലാണ്  സമ്മേളനം  സംഘടിപ്പിക്കുന്നത്,  വർധിച്ചു  വരുന്ന  മതഭീകരവാദം,  പ്രണയ  നാടകത്തിൽ  കുടുക്കിയുള്ള മതംമാറ്റം, മാപ്പിള  ലഹളയെ  ന്യായീകരിക്കാനുള്ള  സർക്കാർ ശ്രമങ്ങൾ,

പട്ടികജാതി  സമൂഹത്തിനും,  കുട്ടികൾക്കും, സ്ത്രീ  സമൂഹത്തിനുമെതിരായുള്ള അതിക്രമങ്ങൾ. ആരാധനാലയ  നിർമാണ  അനുമതി  അധികാരം  തദ്ദേശ  സ്ഥാപനങ്ങൾക്ക് നൽകാനുള്ള   സർക്കാർ തീരുമാനം, ദേവസ്വം ഭൂമി സ്വകാര്യ വ്യക്തികൾക്ക് പാട്ടത്തിന് നൽകാനുള്ള  ദേവസ്വം  ബോർഡ്‌ തീരുമാനം,  ന്യൂനപക്ഷ  സംവരണം  കോടതിവിധി.  തുടങ്ങിയ  വിഷയങ്ങൾ  ചർച്ച   ചെയ്ത്  കർമ്മപരിപാടികൾക്ക്   രൂപംനൽകുമെന്ന്    ഈ. എസ്. ബിജു   പറഞ്ഞു.