ഹൗസ്‌ബോട്ടുകള്‍ കോവിഡ് കെയര്‍ സെന്റററാക്കല്‍: മോക്ക് ഡ്രില്‍ ഇന്ന് (എപ്രില്‍ 17)

by | Apr 17, 2020 | Latest | 0 comments

ആലപ്പുഴ :ഹൗസ്‌ബോട്ടുകള്‍ കോവിഡ് കെയര്‍ സെന്ററുകള്‍ ആക്കി മാറ്റുന്നതിന്റെ സാധ്യത പരിശോധിക്കുന്നതിന്റെ ഭാഗമായി ജില്ലാ കലക്ടര്‍ എം അഞ്ജന ഫിനിഷിംഗ് പോയിന്റ് സന്ദര്‍ശിച്ചു വിവിധ വകുപ്പ് ഉദ്യോഗസ്ഥരുമായി ചര്‍ച്ച നടത്തി.

ആവശ്യമാണെങ്കില്‍, ഹൗസ് ബോട്ടുകള്‍ കോവിഡ് കെയര്‍ സെന്ററുകള്‍ ആയി മാറ്റാനാണ് ജില്ലാഭരണകൂടം ആലോചിക്കുന്നത്. അത്യാവശ്യഘട്ടത്തില്‍ ഇത്തരം മാറ്റങ്ങള്‍ക്കു വേണ്ട സൗകര്യങ്ങള്‍ സജ്ജീകരിക്കുന്നതിനുള്ള നടപടികള്‍ സ്വീകരിക്കാന്‍ ജില്ലാ കളക്ടര്‍ നിര്‍ദേശിച്ചു. ആരോഗ്യവകുപ്പിന്റെ കണ്‍ട്രോള്‍ റൂമിനും ആരോഗ്യവകുപ്പ് ഒരുക്കുന്ന സംവിധാനങ്ങള്‍ക്കും പുറമേ, ഭക്ഷണ വിതരണത്തിനും്, കുടിവെള്ള വിതരണത്തിനുള്ള സംവിധാനം, മറ്റ് അവശ്യ സൗകര്യങ്ങള്‍ തുടങ്ങിയവയും ഒരുക്കുന്നതിനുള്ള നടപടികള്‍ എടുക്കും. ഹൗസ്‌ബോട്ടുകള്‍ ഐസൊലേഷന്‍ വാര്‍ഡുകളായി സജ്ജീകരിക്കുമ്പോള്‍ വരാവുന്ന വെല്ലുവിളികള്‍ മനസ്സിലാക്കുന്നതിനായി ഇന്ന് (ഏപ്രില്‍ 17) രാവിലെ 11 ന് ഫിനിഷിംഗ് പോയിന്റില്‍ മോക്ഡ്രില്‍ നടത്താനും തീരുമാനമായി.

ജില്ലാ മെഡിക്കല്‍ ഓഫീസര്‍ ഡോക്ടര്‍ എല്‍ അനിതകുമാരി, നാഷണല്‍ ഹെല്‍ത്ത് മിഷന്‍ ജില്ലാ പ്രോഗ്രാം ഓഫീസര്‍ ഡോക്ടര്‍ രാധാകൃഷ്ണന്‍, ഡിടിപിസി, ഫയര്‍ഫോഴ്‌സ് വാട്ടര്‍ അതോറിറ്റി തുടങ്ങി വിവിധ വകുപ്പ് ഉദ്യോഗസ്ഥര്‍ സന്നിഹിതരായിരുന്നു.

ശാരീരിക അകലം, സാമൂഹിക ഒരുമ — കൃത്യമായി പാലിച്ച് ചേര്‍ത്തല ആശുപത്രി

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായുള്ള ശാരീരിക അകലം, സാമൂഹിക ഒരുമ എന്ന മുദ്രാവാക്യം കൃത്യമായി പാലിച്ച് ചേര്‍ത്തല താലൂക്ക് ആശുപത്രി. അഞ്ഞൂറിലധികം ആളുകള്‍ ദിവസേന ആശുപത്രിയിലെത്തുന്നുണ്ടെന്നും ഇൗ തിരക്ക് നിയന്ത്രിക്കാന്‍ സഹായമാവശ്യമുണ്ടെന്നും ആശുപത്രി സൂപ്രണ്ട് അനില്‍കുമാര്‍ കളക്ടറേറ്റില്‍ അറിയിച്ചു. ദ്രുതഗതിയിലായിരുന്നു ആര്‍ഡിഒ എസ് സന്തോഷ് കുമാറിന്റെ നേതൃത്വത്തിലുള്ള ഉദ്യോഗസ്ഥ സംഘത്തിന്റെ പ്രവര്‍ത്തനം. ഉടന്‍ ആശുപത്രിയിലെത്തിയ ആര്‍ഡിഒ സന്തോഷ്‌കുമാര്‍, ചേര്‍ത്തല തഹസില്‍ദാര്‍ ആര്‍ ഉഷ, ആശുപത്രി സൂപ്രണ്ട്, ഹെല്‍ത്ത് ഇന്‍സ്‌പെക്ടര്‍ തുടങ്ങിയവരുടെ നേതൃത്വത്തില്‍ യോഗം ചേര്‍ന്നു. ആശുപത്രി അധികൃതര്‍ തുടര്‍ച്ചയായി ഓര്‍മിപ്പിച്ചിട്ടും, പലപ്പോഴും ക്യൂവില്‍ നില്ക്കുന്നവര്‍ ഒന്നിച്ചു കൂടുകയും തിരക്കനുഭവിക്കുകയും ചെയ്യുന്നുണ്ടെന്ന് ആശുപത്രി അധികൃതര്‍ യോഗത്തില്‍ പറഞ്ഞു.

യോഗത്തിനു ശേഷം കൃത്യമായ രീതിയില്‍ ശാരീരിക അകലം പാലിക്കാനുള്ള നടപടികള്‍ ആര്‍ഡിഒയുടെ നേതൃത്വത്തില്‍ കൈക്കൊണ്ടു. ഒപി ടിക്കറ്റെടുക്കുന്ന കൗണ്ടര്‍, വിവിധ ഡോക്ടര്‍മാരുടെ ഒപി, കാഷ്വലിറ്റി, ഫാര്‍മസി, തുടങ്ങി ആളുകള്‍ വരാനിടയുള്ളിടത്തെല്ലാം ഒരുമീറ്റര്‍ അകലത്തില്‍ വൃത്തം വരയ്ക്കുകയായിരുന്നു ആദ്യം ചെയ്തത്. ആശുപത്രി പരിസരത്ത് മാത്രമല്ല ഗേറ്റിനടുത്തും ആള്‍ത്തിരക്ക് നിയന്ത്രിക്കാന്‍ നടപടികളെടുത്തിട്ടുണ്ട്. ഗേറ്റിനടുത്തും തുടര്‍ന്ന് പുറത്ത് റോഡരുകിലും വൃത്തം വരച്ച് ആളുകളുടെ ക്യൂ നിയന്ത്രിക്കാനുള്ള നടപടികളെടുത്തു. വരച്ചിട്ട വൃത്തങ്ങള്‍ കണ്ടതോടെ ആശുപത്രിയിലെത്തിയ രോഗികള്‍ ശാരീരിക അകലം പാലിച്ചു കൊണ്ടുതന്നെ അതത് ഡോക്ടര്‍മാരെ കണ്ടു മടങ്ങി.

0 Comments

Submit a Comment

Your email address will not be published. Required fields are marked *

Latest News

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ഭാരതത്തിൽ ആയിരകണക്കിന് വർഷങ്ങളായി തുടർന്ന് വന്ന ചാതുർവർണ്യവ്യവസ്ഥാഭരണത്തിൽ ശൂദ്രർ നാലാംശ്രേണിയിൽ ബ്രാഹ്മണമേധാവിത്വത്തിൽ...

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

കേരളത്തിൽ തൃശ്ശൂർ ജില്ലയിൽ ചാവക്കാട്- പൊന്നാനി തീരദേശ പാതയിൽ പുന്നയൂർക്കുളം പഞ്ചായത്തിൽ അണ്ടത്തോട് - പെരിയമ്പലം എന്ന കടലോര ഗ്രാമത്തിൽ അവധൂത സിദ്ധ യോഗീശ്വരൻ സ്വാമി കൃഷ്ണാനന്ദ സരസ്വതി മഹാരാജ് 1961 ൽ ഭൂദാനയജ്ഞത്തിലൂടെ ലഭിച്ച ഒരേക്കർ സ്ഥലത്ത്  1963 -ൽ ആരംഭിച്ച കൃഷ്ണാനന്ദ...

error: Content is protected !!