[ap_tagline_box tag_box_style=”ap-bg-box”]ഐക്യദാർഢ്യദിനം.[/ap_tagline_box]
തിരുവനന്തപുരം : കയ്യൂക്കിന്റെയും കയ്യേറ്റത്തിന്റെയും ഭാഷ മാത്രം വശമുള്ള ശത്രുരാജ്യത്തിനോട് അക്ഷീണം പോരാടി നാടിന്റെ പരമാധികാരം നിലനിർത്തുവാൻ പരിശ്രമിച്ചുകൊണ്ടിരിക്കുന്ന ഭാരതീയ സേനാവിഭാഗങ്ങളെ പരമാവധി പിന്തുണയ്ക്കുകയും അവർക്ക് ഐക്യദാർഢ്യം പ്രഖ്യാപിക്കുകയും ചെയ്യേണ്ടുന്ന അസാധാരണ സാഹചര്യം ആണ് ഇപ്പോഴുള്ളത്. കയ്യേറ്റക്കാരായ ശത്രുരാജ്യസേനയുമായുള്ള ഏറ്റുമുട്ടലിൽ നമ്മുടെ സൈനികർ വീരമൃത്യു വരിച്ച ദുഃഖകരമായ സാഹചര്യവും ഉണ്ടായി. രാഷ്ട്രം തന്നെ വേദനിക്കുന്ന ഈ സന്ദർഭത്തിൽ അവരെ ഉചിതമായി അനുസ്മരിക്കേണ്ടതും അവർക്ക് ശ്രദ്ധാഞ്ജലി അർപ്പിക്കേണ്ടതും ഓരോ രാഷ്ട്രസ്നേഹിയുടെയും കടമയാണ്.
ഈ സാഹചര്യത്തിൽ ആണ് ഹിന്ദു ഐക്യവേദി എല്ലാ രാഷ്ട്രസ്നേഹികളുടേയും പങ്കാളിത്തം കൂടി ഉറപ്പ് വരുത്തിക്കൊണ്ട് ഇന്ന് “ഐക്യദാർഢ്യദിനം” ആചരിക്കുവാൻ തീരുമാനിച്ചിരിക്കുന്നത്.
അതിന്റെ ഭാഗമായി പ്രവർത്തകർ ഒരുമിച്ചു ചേർന്ന് (കോവിഡ് നിയന്ത്രണങ്ങൾ പാലിച്ചുകൊണ്ട്) വീരമൃതു വരിച്ച സൈനികരെ അനുസ്മരിച്ചുകൊണ്ടു ശ്രദ്ധാഞ്ജലി അർപ്പിക്കുക. ഭാരതസേനയെ ആദരിക്കുന്ന നിശ്ചിതഗീതത്തിന്റെ വരികൾ ഒരാൾ ചൊല്ലുകയും മറ്റുള്ളവർ ഏറ്റുചൊല്ലുകയും ചെയ്യുക. ദുഃഖസൂചകമായും ഐക്യദാർഢ്യസൂചകമായും കറുപ്പ് ബാഡ്ജ്/ തുണിക്കഷ്ണം ധരിക്കുക.
കൂടാതെ രാവിലെ 7 മുതൽ വൈകീട്ട് 7 മണി വരെയെങ്കിലും We Support Indian Army എന്നു എഴുതിയ നിശ്ചിത പ്രൊഫൈൽ ചിത്രം സമൂഹമാധ്യമ അക്കൗണ്ടുകളിൽ ചേർക്കുക.
ചൈനീസ്ഉ ൽപന്നബഹിഷ്കരണ പ്രചാരണവും നാളെ ആരംഭിക്കും.
0 Comments