[ap_tagline_box tag_box_style=”ap-bg-box”]കന്യാകുമാരി മലയാളികളുടെ തീരാ ദുഃഖം ——————————————————————–[/ap_tagline_box]

തെക്കൻപെരുമയിൽ
ഏറെപുകഴ്ത്തിയ
കന്യാകുമാരിയെൻ സ്വന്തദേശം.
മൂന്നാഴികൾ സംഗമിച്ചമ്മതൻ
തൃക്കാൽ കഴുകിടും പുണ്യദേശം.

കൈരളിമാതാവാം പെറ്റമ്മയിൽ നിന്ന്
തായ്തമിഴിനായ് ദത്തു നൽകി.
തിരുവിതാംകൂറിൻ മന്നവർ വാണൊരു
ചരിത്രമുറങ്ങിടും മണ്ണാണത്.

പോറ്റമ്മയ്ക്കൊപ്പം വളർന്നു വന്നീടിലും,
പെറ്റമ്മയെ ഓർത്ത് ദീനദീനം,
നിത്യം വിലപിക്കും മക്കൾ ഞങ്ങൾ
കന്യാകുമാരിയിലെ മലയാളികൾ.

ഒ. എൻ. വിയും പിന്നെ സുഗതകുമാരിയും
ആരെന്നു ചോദിക്കും കൊച്ചുമക്കൾ
ഭാരതിയാരെയും, ഭാരതി ദാസനേം
മാത്രമറിയുന്ന പിന്മുറക്കാർ.

അമ്മതൻ മുലപ്പാലിനായ് കേണിട്ടും
കണ്ടില്ലെന്നു നടിക്കുന്നോർക്ക്
അമ്മതൻ മുലപ്പാലാം അമൃതോളം
പൈമ്പാൽ വരില്ലെന്നറിഞ്ഞുകൂടെ.?

Dersa Easwar  കന്യാകുമാരി

കന്യാകുമാരി പ്രദേശം രാഷ്ട്രീയ അറവുകാർ അധികാര മോഹത്തിൽ കീറിമുറിച്ചപ്പോൾ ,നെഞ്ച് കീറിയത് ഭൂമിയുടെയല്ല മനുഷ്യരുടേതാണ് ..ഇന്നും പിതൃക്കൾ ജന്മം കൊണ്ട പുണ്യ ഭൂമിയായി കേരളനാട്ടിനെ കാണുന്നവരാണ് സകല മലയാളികളും .അവർ അവിടെ രണ്ടാം തരം പൗരന്മാർ ആണ് .ഈ ശാപം രാഷ്ട്രീയ കോമരങ്ങൾ ഏത്‌ ഗംഗയിൽ ഒഴുക്കും .മലയാളികളോടുള്ള സാഹോദര്യ സ്നേഹമായി ‘പത്രാധിപർ’ ഇനിമുതൽ കന്യാകുമാരി ജില്ലയിലെ അവരുടെ ജീവിതത്തെ പകർത്തുന്നതായിരിക്കും

                                                                           .ചീഫ് എഡിറ്റർ