ലൈൻ ഷോട്ട് മൂലം ഫ്യൂസ് നിൽക്കാതെ വരുമ്പോൾ വയറിന്റെ സ്ലീവ് ചെത്തിക്കളഞ്ഞ് ഫ്യൂസ് വയർ ആയി ഉപയോഗിക്കുന്നവരാണ് പലരും വളരേ അപകടമായ രീതിയാണിത് .പലപ്പോഴും വീടുകളിൽ ഇത്തരം കാഴ്ചകൾ കാണാറുണ്ട്. ഫ്യൂസ് നിൽക്കാതെ വരുമ്പോൾ വയറിന്റെ സ്ലീവ് കളഞ്ഞ് ഫ്യൂസ് വയറായി ഉപയോഗിക്കുന്നത് പതിവാണ് . പ്രിയപ്പെട്ടവരെ നിങ്ങൾ ലോഡിന് അനുസരിച്ചുള്ള ഫ്യൂസ് വയർ ദയവായി ഉപയോഗിക്കുക. ഫ്യൂസ് പോകാനുള്ളതാണ്. ഫ്യൂസ് നിൽക്കാത്ത അവസ്ഥ വന്നാൽ എന്തോ പ്രശ്നമുണ്ടെന്ന് മനസ്റ്റിലാക്കുക. ഉടൻ തന്നെ
ഒരു വയർമാന്റെ സഹായം തേടുക. ദയവായി ഇത്തരം അപകട സാഹചര്യം ഒഴിവാക്കുക .സൂക്ഷിച്ചാൽ ദു:ഖിക്കേണ്ട.അജ്ഞതകൊണ്ടാകാം ഇങ്ങനെ ചെയ്യുന്നത്.

വീടിനുള്ളിലെ വൈദ്യുതിസംവിധാനത്തിന്റെയോ ഉപകരണങ്ങളുടെയോ തകരാറുകൊണ്ടോ മറ്റോ അധികമായി വൈദ്യുതി പ്രവഹിച്ചാൽ സ്വയം ഉരുകിമാറിക്കൊണ്ട് വൈദ്യുതിബന്ധം വിച്ഛേദിക്കുകയാണ് ഫ്യൂസിന്റെ ധർമ്മം. അങ്ങനെ, അഗ്നിബാധയുൾപ്പെടെയുള്ള ദുരന്തങ്ങളുണ്ടാകാതെ ഫ്യൂസ് ഒരു സംരക്ഷണ ഉപാധിയായി പ്രവർത്തിക്കുന്നു.സ്വാഭാവികമായും, ഇങ്ങനെ ഉരുകി മാറണമെങ്കിൽ ശരിയായ റേറ്റിംഗ് ഉള്ള ഫ്യൂസ് കമ്പി വേണം ഉപയോഗിക്കാൻ. സാധാരണ ചെമ്പ്/അലുമിനിയം കമ്പികൾ ഒരിക്കലും ഫ്യൂസ് കെട്ടാൻ ഉപയോഗിക്കരുത്. ശരിയായ കനമുള്ള ഫ്യൂസ് വയർ (ടിൻ- ലെഡ് സങ്കരം) മാത്രം ഉപയോഗിക്കുക.

വീട്ടിലെ ഫ്യൂസ് പോയാൽ കെട്ടുന്നത് എങ്ങിനെ ആണെന്ന് അറിയാൻ ഒന്ന് വായിച്ചു നോക്കു .

1. മെയിന്‍സ്വി‍ച്ച് ഓഫ് ചെയ്യുക.

2.ഫ്യൂസ് യൂണിറ്റില്‍ നിന്നും ഫ്യസ് കാരിയര്‍ ശ്രദ്ധാപൂര്‍വ്വം ഊരിയെടുത്ത് ഫ്യൂസ് വയര്‍ മാറ്റിയിടുക.

3.വീട്ടിലെ എല്ലാസ്വിച്ചുകളും ഉപകരണങ്ങളും ഓഫ് ചെയ്ത് വെയ്കുക.

4.ഫ്യൂസ് യൂണിറ്റില്‍ ഫ്യസ് കാരിയര്‍ തിരികെ ഘടിപ്പിച്ച് മെയിന്‍സ്വി‍ച്ച് ഓണ്‍ ചെയ്യുക.

5. ഉപകരണങ്ങള്‍ ഓരോന്നായി ഓണ്‍ചെയ്ത് നോക്കുക. ഏതെങ്കിലും പ്രത്യേക ഉപകരണം ഓണ്‍ ചെയ്യുമ്പോള്‍ ഫ്യൂസ് വീണ്ടും കത്തിപ്പോയാല്‍ അവിടെയായിരിക്കും തകരാര്‍.പ്രസ്തുത തകരാര്‍ പരിഹരിച്ചശേഷം മാത്രം ( വൈദ്യുത തകരാര്‍ പരിഹരിക്കുന്നതിന് ഇലക്ട്രീഷ്യന്മാരെ ഏര്‍പ്പാടാക്കുക. ) ഫ്യൂസ് മാറ്റിയിടുക.

6.ഓവര്‍ലോഡുകൊണ്ടാണ് ഫ്യൂസ് കത്തിപ്പോയതെങ്കില്‍ ലോഡ്കുറച്ചശേഷം മാത്രം ഫ്യൂസ് മാറ്റിയിടുക.

ശ്രദ്ധിക്കുക കട്ടികൂടിയ ഫ്യൂസ് വയര്‍ ഒരിക്കലും ഉപയോഗിക്കരുത്. അത് നിങ്ങളുടെ വയറിംഗ് കത്തിനശിക്കാന്‍ ഇടയാക്കും.