കാസർകോട്: കോവിഡ് 19 രോഗവ്യാപനം തടയുന്നതിന് ഉളിയത്തട്ക്ക എസ്.പി നഗറിൽ ഡ്യൂട്ടി ചെയ്യുന്നതിനിടെ അമിത വേഗതയിൽ വന്ന ബൈക്ക് ഇടിച്ചു തെറിപ്പിച്ച വിദ്യാനഗര്‍ പോലീസ് സ്റ്റേഷനിലെ സിവില്‍ പോലീസ് ഓഫീസര്‍ സനൂപ് കുമാറിന് ചന്ദ്രഗിരി ലയണ്‍സ് ക്ലബ്ബ് 1, 11, 111 രൂപ നല്‍കി.
ജില്ലാ പോലീസ് മേധാവിയുടെ കാര്യാലയത്തില്‍ നടന്ന ചടങ്ങില്‍ ലയണ്‍സ് ക്ലബ്ബ് പ്രസിഡണ്ട് സി എല്‍ റഷീദ് ജില്ല പോലീസ് മേധാവി പി.എസ്. സാബുവിന് തുക കൈമാറി.
എസ് പി നഗറില്‍ അമിത വേഗതയില്‍ വന്ന ബൈക്ക് ഇടിച്ചാണ് ഡ്യൂട്ടിയിലായിരുന്ന സനൂപിന് തലയ്ക്കും തുടയെല്ലിനും സാരമായി പരുക്കേറ്റത്. ഇദ്ദേഹം കണ്ണൂരില്‍ ചികിത്സയിലാണ്. പോലീസുകാരന്റെ ദയനീയാവസ്ഥ ശ്രദ്ധയിൽ പെട്ട ചന്ദ്രഗിരി ലയൺസ് ക്ലബ് അംഗങ്ങൾ കാരുണ്യ ഹസ്തവുമായി മുന്നോട്ടു വരികയായിരുന്നു.
ഡി.വൈ.എസ്പി.പി.ബാലകൃഷ്ണന്‍ നായര്‍ ,വിദ്യാനഗര്‍ സി ഐ മനോജ്, ലയണ്‍സ് ഐപിപി ജലീല്‍ മുഹമ്മദ്, ട്രഷറർ എം എം നൗഷാദ് , ഇക്ബാൽ പട്ടുവത്തിൽ, കെ.സി ഇർഷാദ്, സി.യു മുഹമ്മദ് ചേരൂർ, ഷാഫി എ. നെല്ലിക്കുന്ന്, ഓ.കെ മഹമൂദ്, എ.കെ ഫൈസൽ, അബ്ദുൽ സലാം പി.ബി, ഷംസീർ റസൂൽ, മജീദ് ബെണ്ടിച്ചാൽ, ആസിഫ്, അഷ്‌റഫ് ഐവ, ശിഹാബ് തൊരവളപ്പിൽ, ഹാരിഫ് തളങ്കര എന്നിവര്‍ ചടങ്ങില്‍ പങ്കെടുത്തു.
ജില്ലയിൽ കോവിഡ് രോഗവിമുക്തി കൈവരിക്കുന്നതിൽ ആരോഗ്യ പ്രവർത്തകരെ പോലെ തന്നെ പോലീസ് വകുപ്പിന്റെയും സേവനം വില മതിക്കാനാവാത്തതാണ്. പോലീസിന്റെ ശക്തമായ ഇടപെടലുകളാണ് സമൂഹ വ്യാപനമെന്ന ദുരന്തത്തിൽ നിന്നും നാടിനെയും നാട്ടാരെയും രക്ഷിച്ചെടുത്തത്.
0 Comments