ലോക്ഡൗണ്‍ മറയാക്കി പൂജാവിളക്കുകള്‍ കടത്താന്‍ ദേവസ്വംബോര്‍ഡ് നീക്കം

by | May 25, 2020 | Spirituality | 0 comments

കരുനാഗപ്പള്ളി: പൂജാവിളക്കുകളടക്കമുള്ള സാധനസാമഗ്രികള്‍ ലോക്ക്ഡൗണിന്റെ മറവില്‍ കടത്താന്‍ ദേവസ്വംബോര്‍ഡിന്റെ നീക്കം. കൊറോണ നിയന്ത്രണങ്ങളുടെ മറവില്‍ ഭക്തര്‍ക്ക് വിലക്കുകല്പിച്ചാണ് ദേവസ്വം ബോര്‍ഡ് അധികാരികള്‍, കാണിക്കയായും മറ്റും ലഭിച്ച ആയിരത്തോളം വിളക്കുകളും കിണ്ടികളും പൂജാപാത്രങ്ങളും കടത്തിക്കൊണ്ടുപോകാന്‍ ശ്രമിച്ചത്. കരുനാഗപ്പള്ളി ഗ്രൂപ്പില്‍ തഴവ സബ് ഗ്രൂപ്പില്‍പ്പെടുന്ന പുലിയന്‍കുളങ്ങര ശ്രീകൃഷ്ണസ്വാമി ക്ഷേത്രത്തിലാണ് സംഭവം.വിളക്കുകളും ക്ഷേത്ര ആവശ്യങ്ങള്‍ക്കുപയോഗിക്കുന്ന പാത്രങ്ങളും ചാക്കില്‍ കെട്ടിവച്ചിരിക്കുന്നത് ശ്രദ്ധയില്‍പെട്ട ക്ഷേത്ര ഉപദേശക സമിതി സെക്രട്ടറി ആര്‍. മോഹനനാണ് സംഭവം പുറത്തുകൊണ്ടുവന്നത്. അന്വേഷിച്ചപ്പോള്‍ അസിസ്റ്റന്റ് കമ്മീഷണറുടെ നിര്‍ദേശ പ്രകാരം പഴയ ഉരുപ്പടികള്‍ വില്‍ക്കുന്നതിന് ശേഖരിച്ചുവെച്ചതാണെന്നാണ് ലഭിച്ച മറുപടി.   
 ചെറുതും വലുതുമായി ആയിരത്തോളം വിളക്കുകളും പാത്രങ്ങളും ഏഴുചാക്കുകളിലാണ് കെട്ടിവച്ചിരുന്നത്. നിത്യനിദാനച്ചെലവുകള്‍ക്ക് പണം കണ്ടെത്താനെന്ന പേരിലാണ് നീക്കം. ഇന്ന് ദേവസ്വം അധികൃതര്‍ ക്ഷേത്രത്തിലെത്തുമെന്നാണ് അറിയിച്ചിട്ടുള്ളത്. വിളക്കുകള്‍ കടത്താനുള്ള നീക്കം തടയുമെന്ന് ഭക്തജനങ്ങള്‍ പറയുന്നു.എല്ലാ വര്‍ഷവും സപ്താഹവും ദശാവതാരച്ചാര്‍ത്തും നടക്കുന്ന ക്ഷേത്രമാണിത്. ഈ ആവശ്യത്തിനായി ഉപദേശകസമിതിയും ക്ഷേത്രസംരക്ഷണസമിതിയും വാങ്ങി സൂക്ഷിച്ചിരുന്ന വിളക്കുകളും മറ്റു പാത്രങ്ങളും ഉള്‍പ്പെടെയാണ് ചാക്കുകളില്‍ കെട്ടിവച്ചിരുന്നത്. ഭക്തജനങ്ങള്‍ക്ക് നിയന്ത്രണമുണ്ടെങ്കിലും ക്ഷേത്രച്ചടങ്ങുകള്‍ മുടങ്ങാതെ നടക്കുമെന്നായിരുന്നു ദേവസ്വം അധികൃതര്‍ നല്‍കിയ ഉറപ്പ്. എന്നാല്‍ അക്കാര്യത്തിലും അനാസ്ഥയുണ്ടെന്ന് ചൂണ്ടിക്കാട്ടപ്പെടുന്നു. കരുനാഗപ്പള്ളി പടനായര്‍കുളങ്ങര ക്ഷേത്രത്തിലെ കെടാവിളക്ക് അണഞ്ഞത് നേരത്തെ വാര്‍ത്തയായിരുന്നു. 
 

0 Comments

Submit a Comment

Your email address will not be published. Required fields are marked *

Latest News

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ശൂദ്രർ നാലാം ശ്രേണിയിൽ; വടക്കേഇന്ത്യയുടെ അവസ്ഥയല്ല തെക്കേ ഇന്ത്യയിൽ. സുപ്രീം കോടതി ഭരണഘടനാബഞ്ച് വിധിന്യായം ഇന്നും പ്രസക്തം.

ഭാരതത്തിൽ ആയിരകണക്കിന് വർഷങ്ങളായി തുടർന്ന് വന്ന ചാതുർവർണ്യവ്യവസ്ഥാഭരണത്തിൽ ശൂദ്രർ നാലാംശ്രേണിയിൽ ബ്രാഹ്മണമേധാവിത്വത്തിൽ...

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

തൃശ്ശൂർ കൃഷ്ണാനന്ദ സിദ്ധ-വേദആശ്രമം സമാധിമന്ദിര പുനരുദ്ധാരണം(Thrissur Krishnananda Siddha-veda Ashram Samadhimandir Renovation)

കേരളത്തിൽ തൃശ്ശൂർ ജില്ലയിൽ ചാവക്കാട്- പൊന്നാനി തീരദേശ പാതയിൽ പുന്നയൂർക്കുളം പഞ്ചായത്തിൽ അണ്ടത്തോട് - പെരിയമ്പലം എന്ന കടലോര ഗ്രാമത്തിൽ അവധൂത സിദ്ധ യോഗീശ്വരൻ സ്വാമി കൃഷ്ണാനന്ദ സരസ്വതി മഹാരാജ് 1961 ൽ ഭൂദാനയജ്ഞത്തിലൂടെ ലഭിച്ച ഒരേക്കർ സ്ഥലത്ത്  1963 -ൽ ആരംഭിച്ച കൃഷ്ണാനന്ദ...

error: Content is protected !!