കുടപ്പന നൂറ് , പണ്ട് പഴമക്കാരുടെ ഒരു നേരത്തെ വിശപ്പ് അടക്കിയിരുന്ന, പോഷക സമ്പുഷ്ടമായ ആഹാരമായിരുന്നു. കുടുംബാംഗങ്ങൾ ഒത്തൊരുമിച്ച് കഴിക്കാറുണ്ടായിരുന്നു. കുറുക്കി തേങ്ങ ചേർത്ത് കാട്ടുതാളിൻ്റെ ഇല ചുരുട്ടി കറി ഉണ്ടാക്കിയായിരുന്നു കൂടെ കഴിച്ചിരുന്നത്. പഴമക്കാരുടെ ഒരു ചൊല്ല് തന്നെയുണ്ട് “പന നൂറ് കാഴിച്ചാ പന പോലെ വളരും” എന്ന് ,.

നൂറ് എടുക്കുന്ന വിധം,…മൂപ്പെത്തിയ കുടപ്പനതടിയിൽ ഉരുളിമ കൂടിയ ഭാഗം വെട്ടിപ്പൊളിച്ച് പനംചോർ എടുത്ത് ചെറിയ കഷണങ്ങൾ ആക്കി ഉരലിൽ ഇട്ട് ഇടിച്ച്ചതച്ച് എടുക്കണം. കഴിയുന്ന തരത്തിൽ പൊടിയാക്കണം .അതിനു ശേഷം ഒരു പാത്രത്തിൽ വെള്ളമെടുക്കണം, വാ വട്ടമുള്ള പത്രമായാൽ നന്ന് . വൃത്തിയുള്ള തുണിയിൽ ചതച്ച് വച്ചിരിക്കുന്ന പനനൂർ നിറച്ച് കിഴിയായി കെട്ടി നിറച്ച് വച്ചിരിക്കുന്ന വെള്ളത്തിൽ താഴ്ത്തി നല്ലപോലെ കശക്കി തിരുമി പിഴിയണം.നൂർ പാത്രത്തിൽ അടിയാനാണിത് .കുറഞ്ഞത് ഒരു മണിക്കൂറെങ്കിലും ആ പാത്രത്തിൽ തന്നേ കിഴി വച്ചിരിക്കണം .സമയം കഴിഞ്ഞാൽ അതെടുത്ത് മാറ്റിയതിനു ശേഷം പാത്രത്തിലെ വെള്ളം കളയാം …ചെറുതായി ചരിക്കണം,അല്ലേൽ പാത്രത്തിനടിയിൽ കൂടിയിരിക്കുന്ന നൂർ വെള്ളത്തോടൊപ്പം പുറത്ത് പോകും .വെള്ളം വാർന്നുപോയ നൂറിൽ വീണ്ടും വെള്ളം ഒഴിച്ച് നല്ലപോലെ ലയിപ്പിച്ച് വീണ്ടും രണ്ട് മണിക്കൂറെങ്കിലും വച്ചിരിക്കണം .നൂറിന്റെ കട്ട് പോകാനാണിത് ,.ഇങ്ങനെ അഞ്ചാറ് പ്രാവശ്യമെങ്കിലും ചെയ്യണം .ഇങ്ങനെ കിട്ടുന്ന നൂറ് ,വെള്ളം വാർന്നുപോകുന്ന തരത്തിൽ ഒരു തുണികിഴികെട്ടി കുറച്ചുസമയം കാത്തിരിക്കണം .പൂർണ്ണമായി ജലാംശം കളഞ്ഞാൽ അതെടുത്ത് നല്ലപോലെ ഉണക്കിയെടുത്ത് ഉപയോഗിക്കാം .അലുവ, പുട്ട്, അവലോസ് പൊടി, അട, പായസം എന്നിവയൊക്കെ ഉണ്ടാക്കാം പോഷകസമ്പുഷ്ടമാണ് പനംനൂർ .