കോഴിക്കോട് : പെരുന്നാള് ആഘോഷപണം ആതുരസേവനത്തിനായി നല്കി മാതൃകയാവുകയാണ് കൊടിയത്തൂര് കൊളായില് കുടുംബം. പെരുന്നാള് ആഘോഷത്തിനായി കുടുംബത്തിലെ അംഗങ്ങള് കരുതിവച്ച 1,06000 രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കിയത്.
കൊളായില് പി.പി അഹമ്മദ് കുട്ടി ഹാജിയുടേയും എ. എം കദീശുമ്മയുടേയും സന്തതി പരമ്പരയില്പെട്ട കുട്ടികളും മുതിര്ന്നവര് അടക്കമുള്ളവര് പുതുവസ്ത്രം, മറ്റു പെരുന്നാള് ആഘോഷത്തിനായി കരുതിവച്ച തുകയാണ് കൈമാറിയത്. കഴിഞ്ഞ പ്രളയകാലത്ത് കൊളായില് കുടുംബം ദുരിതാശ്വാസ നിധിയിലേക്ക് 1,36000 രൂപ നല്കിയിരുന്നു.
കൊവിഡ് പ്രതിസന്ധിക്കിടയില് നിരവധിയാളുകള് ദുരിതം അനുഭവിക്കുന്നുണ്ട്. അത്തരം ആളുകള്ക്ക് ആശ്വാസം പകരാനും ഇത്തരം നന്മകള് കഴിയുന്ന എല്ലാ വിഭാഗം ജനങ്ങളും ചെയ്യാന് വേണ്ടിയുമാണ് ദുരിതാശ്വാസ നിധിയിലേക്ക് തുക നല്കുന്നതിലൂടെ ലക്ഷ്യമിടുന്നതെന്ന് കുടുംബംഗങ്ങള് പറഞ്ഞു. കലക്ടറുടെ ചേംബറില് വച്ച് ജില്ലാ കലക്ടര് സാംബശിവ റാവു തുക ഏറ്റുവാങ്ങി. നാസര് കൊളായി, സലിം കൊളായി, എം.ഇ ഫസല്, ഇര്ഷാദ് കൊളായി എന്നിവര് സംബന്ധിച്ചു.
0 Comments