പോത്തൻകോട്: ലോക് ഡൗണിനു ശേഷം നിർത്തിയ ബസ്സ് സർവീസ് നാളെ മുതൽ കണിയാപുരത്ത് നിന്നും, പോത്തൻകോട് നിന്നും  കെ എസ് ആർ ടി സി  ആരംഭിക്കുന്നു.
കണിയാപുരം ഡിപ്പോയിൽ നിന്ന് ബുധനാഴ്ച രാവിലെ 7 മണി മുതൽ 15 ബസ് സർവീസുകൾ നടത്തും. പോത്തൻകോട്, വേളി, പെരുമാതുറ, തിരുവനന്തപുരം, അണ്ടൂർക്കോണം, കിഴക്കേകോട്ട, ബൈപാസ്, കീഴാവൂർ, മങ്കാട്ടുമൂല, മുരുക്കുംപുഴ, നെടുമങ്ങാട്, ആറ്റിങ്ങൽ തുടങ്ങിയ സ്ഥലങ്ങളിലേക്കാണ് സർവീസുകൾ. കൂടുതൽ വിവരങ്ങൾ അറിയാൻ കണിയാപുരം ബസ് ഡിപ്പോയിൽ ബന്ധപ്പെടാം.  ഫോൺ നമ്പർ – 04712752533
നാളെ മുതൽ രാവിലെ 7.15 ന് ശേഷം 15 മിനിട്ട് ഇടവിട്ട് പോത്തൻകോട്ടു നിന്ന് ചെമ്പഴന്തി വഴിയും പൗഡിക്കോണം വഴിയും കെ.എസ്.ആർ.ടി.സി ബസ് സർവീസ് ആരംഭിക്കും. രാവിലത്തെ സർവീസ് 10.15ന് അവസാനിപ്പിച്ച് വൈകീട്ട് 4 മണിക്ക് ആരംഭിക്കും. വൈകിട്ട് 7 മണിവരെയാകും ബസ് സർവ്വീസ് ഉണ്ടായിരിക്കുക. സർക്കാരിന്റെ നിയന്ത്രണം മൂലം പകുതി യാത്രക്കാർക്ക് മാത്രമേ ഒരു ബസ്സിൽ യാത്ര ചെയ്യാൻ സാധിക്കു. മൂന്ന് സീറ്റുള്ളതിൽ രണ്ടാൾക്കും, രണ്ട് സീറ്റുള്ളതിൽ ഒരാൾക്കും മാത്രമേ ഇരുന്ന് യാത്ര ചെയ്യാൻ സാധിക്കു. അന്വേഷണങ്ങൾക്ക്, വികാസ് ഭവൻ 04712307890