തിരുവിതാംകൂർ  രാജഭരണകാലത്ത്   രാജഭരണത്തിനു മുകളിൽ -പ്രൗഢഗംഭീരത്തോടെ തലയുയർത്തി നിന്ന  കുഴിത്തുറ മുഞ്ചിറയിലെ സ്വാമിയാർ  മഠത്തിന്റെ  സർവ്വ നാശത്തിന് പിന്നിൽ പ്രവർത്തിച്ചവർ ആര് ?  മഠത്തിന്  പലഘട്ടങ്ങളിലായി വച്ച് നമസ്കാരത്തിലൂടെയും മറ്റും ലഭിച്ച ആയിരകണക്കിന് ഏക്കർ  ഭൂമിയും പഞ്ച ലോഹ വിഗ്രഹങ്ങളും എവിടെയാണ് ,,? മഠത്തിന്റേതായ   സ്‌കൂളുകൾ  ഉൾപ്പടെയുള്ള   സ്ഥാപനങ്ങൾ  ആരുടെ കൈവശം ….? കീഴ് മഠങ്ങൾക്കു സംഭവിച്ചതെന്ത് ?  വേലിതന്നെ  വിളവ് തിന്ന ചരിത്രമാണ് മുഞ്ചിറ മഠത്തിന് പറയുവാനുള്ളത് ….  മലയാള നാട്ടിൽ  നമ്പൂതിരി സമുദായത്തിനുണ്ടായ  സാമൂഹ്യമായ പിന്നോക്കാവസ്ഥയാണ്  സ്വാമിയാർ  മഠങ്ങളുടെ നാശത്തിന്  വഴിവച്ചതെന്നതിൽ  തർക്കമില്ല , എന്നാൽ  പുരകത്തിയപ്പോൾ  വാഴ വെട്ടിയ  കുലദ്രോഹികളാണ്   ഇന്നും  മുഞ്ചിറ മഠത്തിന്റെ ശാപം . ക്ഷേത്ര പ്രവേശന  വിളംബരത്തോടെ  അവസാനത്തെ  സ്വാമിയാരും  രാജ്യം വിട്ടതോടെ അനാഥമാകുകയും  ഭൂപരിഷകരണ  നിയമങ്ങളിലൂടെ  ശക്തി ക്ഷയിക്കുകയുമായിരുന്നു .

സയുക്ത കക്ഷികൾ  രാഷ്ട്രീയ അധികാരത്തിലൂടെ  കേരളത്തിൽ ഭരണത്തിൽ വന്നതോടുകൂടി  ബ്രാഹ്മണ  സമുദായങ്ങൾക്കെതിരെ  സംഘടിതമായ കള്ള പ്രചാരണ ആക്രമണമാണുണ്ടായത് .  ജാതിഭ്രാന്തന്മാരുടെ  കുടിലബുദ്ധിയിൽ  പതറിപ്പോയി നമ്പൂതിരി സമുദായം  ചിന്നഭിന്നമാകുകയായിരുന്നു . പരമ്പരാഗതമായി  തുടർന്നുവന്ന സബ്രദായങ്ങളിലൂടെ  ജനസംഘ്യപരമായി ഏറ്റവും പിന്നോക്കമായ  ബ്രാഹ്മണർക്ക് പ്രതിരോധിയ്ക്കുവാനുള്ള  ശേഷിയും  ഇല്ലാതെയായി . ഇത്തരുണത്തിൽ  കുലദ്രോഹികളായ ചില വ്യക്തികൾ  മഠത്തിന്റെ സ്വത്തുവകകൾ  അടിച്ചുമാറ്റുന്നതിനായി  രംഗത്തിറങ്ങുകയായിരുന്നു . തികച്ചും  ദുർബലരായ ബ്രാഹ്മണരെ ഭീക്ഷണിപ്പെടുത്തിയും  ചില  സ്വാമിയർമാരെ  പ്രലോഭിപ്പിച്ചുമായിരുന്നു ദുഷ്ടന്മാർ  സമ്പത്തുകൾ  മോഷ്ടിച്ചത് . ഇന്നും സ്വാമിയാർ  മഠങ്ങളിൽ  നിന്നും നമ്പൂതിരിസമുദായത്തെയും  അവരുടെ  സംഘടനകളെയും അകറ്റി നിർത്തിയിരിക്കുന്നതിന്റെ  ചേതോവികാരം  ഇതാണ് . അന്യ  ധർമ്മത്തിലും രാഷ്ട്രീയത്തിലും  വിശ്വസിച്ചുവരുന്ന  ചിലരെ  കൂട്ടുപിടിച്ചാണ്  കുലദ്രോഹി രാക്ഷസന്മാർ  കട്ടുമുടിയ്ക്കുന്നത് .

മലപ്പുറം  ജില്ലയിലെ താനൂർ തൃക്കൈ ക്കാട്ട്  സ്വാമിയാർ മഠത്തിലെയും കന്യാകുമാരി ജില്ലയിലെ കുഴിത്തുറ  മുഞ്ചിറ മഠത്തിലെയും  പഞ്ചലോഹ വിഗ്രഹങ്ങൾ  ഉൾപ്പടെ  ചേമ്പ് പിത്തള പാത്രങ്ങൾ  സകലതും  ഇവന്മാർ അടിച്ചുമാറ്റി . ഉപാസനാമൂർത്തിയുടേത്   ഉൾപ്പടെയുള്ള വിഗ്രഹങ്ങൾ വിറ്റുതിന്നതായി  പഴമക്കാർ പറയുന്നു . എന്തായാലും  അവയൊക്കെ കാണാതായിട്ടുണ്ട് .  മഠവുമായി പുലബന്ധമില്ലാത്തവർക്ക്  മഠം വകയായ  സകല ഭൂസ്വത്തുക്കളും  സാമിയാർ മുക്ത്യാർ മുഖേന രജിസ്റ്റർ  ചെയ്തു നൽകി . തൃശൂർ അവിട്ടത്തൂർ മഠം വകയായ  ഭൂമികൾ ഉത്തരവാദിത്വപെട്ടവർ  തന്നേ വിറ്റു തുലച്ചു .  മുഞ്ചിറ മഠം തീർത്തും നാശത്തിലേക്ക്  കൂപ്പുകുത്തിയതോടുകൂടി സംരക്ഷാചുമതലയിൽ  ഉണ്ടായിരുന്നവർ കൈയ്യൊഴിഞ്ഞു .

ശ്രീ പത്മനാഭ സ്വാമി ക്ഷേത്രവുമായി  ബന്ധപ്പെട്ടുണ്ടായ സുപ്രീംകോടതി  ഹർജ്ജിയും അതിനെത്തുടർന്ന്  ആചാര  അനുഷ്ടാനങ്ങളുമായി  ബന്ധപ്പെട്ട്  ഉണ്ടായ കോടതി നിർദേശങ്ങളുമാണ്  വീണ്ടും മുഞ്ചിറ മഠവും  പുഷ്പാഞ്ജലി സ്വാമികളുമൊക്കെ  ഉയർന്നുവന്നത് . വെള്ളറട സ്വാമിയുടെ  കാലത്ത് ക്ഷേത്രത്തിൽ  നിന്നും മഠത്തിൽ  നിന്നും  പുറത്തക്കപ്പെട്ട കള്ളന്മാർക്ക്  ജീവൻവച്ചതും  കോടതി നിർദേശങ്ങളാണ് .  ഒരേ സമ്പ്രദായത്തിലുള്ള മറ്റൊരു മഠത്തിൽ  സ്വാമിയാർ ഇല്ലാത്ത അവസ്ഥ വന്നാൽ  പ്രസ്തുത മഠം നിയന്ത്രണത്തിൽ  കൊണ്ടുവന്ന് സംരക്ഷിയ്ക്കുകയും  സ്വാമിയാർ അവരോധനത്തിന്  നടപടികൾ  സ്വീകരിയ്ക്കുകയും ചെയ്യേണ്ടവർ  സ്വന്തം കടമകളിലും  കർത്തവ്യത്തിൽ  നിന്നും  ഒഴിഞ്ഞുമാറിയതോടെ  കൊടും ക്രിമിനലുകൾക്ക്  സ്ഥാനലബ്ധി  ലഭിക്കുകയായിരുന്നു .

പത്മനാഭ സ്വാമിയ്‌ക്ക്‌  പുഷ്പാഞ്ജലി സ്വാമിയാർ   വേണമെന്ന  നിർദേശത്തെ മുതലെടുത്തതുകൊണ്ട്  പണ്ടുകാലത്ത്  പുറത്താക്കപ്പെട്ട  കള്ളന്മാർ , സ്വാമിയാരാക്കുന്നതിന് ആളെ തപ്പിയിറങ്ങി . തൃശൂർ അവിട്ടത്തൂർ മഠത്തിലെ കൃത്രിമങ്ങൾക്ക്  കൂട്ട്  നിന്ന് ഭീക്ഷണിപ്പെടുത്തി  പണം തട്ടിയാതായി  പറയുന്ന കേന്ദ്ര സർക്കാർ ഉദ്യോഗസ്ഥനായിരുന്ന ചാലക്കുടിക്കാരനെ  ചാക്കിട്ട് ഉറപ്പിച്ചതിലൂടെ  ഇരുകൂട്ടരുടെയും  ലക്‌ഷ്യം അരക്കെട്ടുറപ്പിക്കുകയായിരുന്നു .  മുഞ്ചിറ  മഠത്തിലെ ഭൂമികൾ അന്യാധീനപ്പെടുത്തി സാമ്പത്തിക  ലാഭം  ഉണ്ടാക്കിയെന്നും   അവിട്ടത്തൂർ മഠം വക  ഭൂമികൾ വിറ്റ് പണം വസൂലാക്കിയെന്നും   ഭക്തന്മാർ  ഒന്നടങ്കം  പറയുന്നവർ   ഒരേ  ലക്ഷ്യത്തിനായി  ഒരേ  വഴിയിലൂടെ സഞ്ചരിയ്ക്കുന്നതിൽ ഒട്ടും അതിശയോക്തിയില്ല .

അന്യ സമുദായ  ഉന്നതിയ്ക്കായി സർക്കാരിൽ  പ്രവർത്തിച്ചിട്ടുള്ളയാളും  നമ്പൂതിരി സമുദായത്തിനും   പാരമ്പര്യ സ്വഭാവമുള്ള സംഘടനയ്ക്കും  എതിരെ കോടതിവ്യവഹാരങ്ങൾ നടത്തുന്നവരും   ഒന്നുചേർന്നപ്പോൾ  ബ്രാഹ്മണ സമുദായത്തെയും  ഔദ്യോഗിക സംഘടനകളെയും  അകറ്റിനിർത്തുവാൻ  തയ്യാറായി .  അതോടൊപ്പം മഠങ്ങളിൽ അന്യധർമ്മത്തിലും   അന്യ ഗുരുക്കന്മാരിലും വിശ്വസിക്കുന്നവരും ബ്രാഹ്മണരോട്  വിരോധം വച്ച്  പുലർത്തുന്നവരുമായ   വ്യക്തികളെ  തിരുകികയറ്റുന്നതിന്  ശ്രമം  തുടങ്ങി .തൃക്കൈ കാട്ട് മഠത്തിലും  മുഞ്ചിറ മഠത്തിലും  സംഭവിച്ചിട്ടുള്ളത്  അതാണ് .

അതോടൊപ്പം   മുഞ്ചിറ മഠവുമായി യാതൊരു  ബന്ധവുമില്ലാത്തവർ ഭൂമി തട്ടിയെടുക്കുവാനുള്ള ശ്രമങ്ങളും ആരംഭിച്ചു . മഠത്തിലെ  നിധി ഖനനവും കയ്യേറ്റം  ചെയ്തു മഠം വക ഭൂമികൾ കൈവശം വച്ചിരിയ്ക്കുന്നവരുമായ  നാട്ടുകാരോട് വസ്തുവിന്റെ മാർക്കറ്റ് വിലയുടെ പകുതി തരണമെന്ന് ആവശ്യങ്ങളും  ഉയർന്നതോടെ  ഭക്തജനം  സംഘടിയ്ക്കുകയായിരുന്നു . പൂർവ്വികമായ സകല സമ്പ്രദായങ്ങളും  കണ്ടറിവുള്ള  മുഞ്ചിറയിലെ ഭക്തരുടെ എതിർപ്പ് ശക്തമായതോടെ  മഠം വിറ്റു പണമുണ്ടാക്കുവാൻ   ചെന്നവരെ ഇറക്കിവിട്ട്  പോലീസ് അകമ്പടിയോടെ  ഹിന്ദു റീജിയണൽ  ചാരിറ്റബിൾ  എൻഡോമെന്റ്  ഡിപ്പാർട്ട്മെന്റ് മുഞ്ചിറ സ്വാമിയാർ മഠം ഏറ്റെടുത്തുകൊണ്ട്  സംരക്ഷണവും  മറ്റു നടപടികളും ആരംഭിച്ചു . അന്യാധീനപ്പെട്ട   മഠം  സംരക്ഷിയ്ക്കുന്നതിന്  ഉത്തരവാദിത്വപ്പെട്ട   സർക്കാർ  വകുപ്പിനെതിരെ ഇനിയൊരിക്കലും  പൂർവസ്ഥിതിയിൽ  പ്രവർത്തിക്കരുതെന്ന്  തീരുമാനത്തോടെ  കോടതിയെ  സമീപിച്ചിരിയ്ക്കുകയാണ് .  കോടതിവ്യവഹാരം  ആരംഭിച്ചതിലൂടെ  സർക്കാരിനോ  ശ്രീ  ശങ്കരാചാര്യ ഭക്തർക്കൊ  മഠം സംരക്ഷിയ്ക്കുവാനോ  ആചാര അനുഷ്ടാനങ്ങൾ  നടത്തുന്നതിനോ   കഴിയാതെയിരിക്കുകയാണ് .  മഠം ഇടിഞ്ഞുപൊളിഞ്ഞ നിലയിലാണ് . മഠം  പ്രവർത്തിച്ചു   തുടങ്ങിയാൽ  മോഷ്ടിച്ച  കഥകൾ പുറത്തുവരുമെന്ന  ഭീതിയാണ് കോടതിവ്യവഹാരം  ആസൂത്രണം   ചെയ്തതിനു പിന്നിൽ ….

വിശദമായ വിവരങ്ങൾ …… പത്രാധിപർ ഉടൻ പ്രസിദ്ധീകരിയ്ക്കുന്നു ……
തുടരും …..