മുഞ്ചിറ :  സ്വാമിയാർ മഠ അവകാശവുമായി ബന്ധപ്പെട്ട് സ്റ്റേറ്റ്മെന്റ് എടുക്കുവാനായി സ്വാമിയാർ മഠത്തിലെത്തിയ ഉദ്യോഗസ്ഥരോട്  തട്ടിക്കയറുകയും ചീത്തവിളിയ്ക്കുകയും ചെയ്തത്  പത്മനാഭ സ്വാമി ക്ഷേത്രം പുഷ്പാഞ്ജലി  സ്വാമിയാർ നോക്കി നിൽക്കെ അദ്ദേഹത്തിന്റെ  പേഴ്‌സണൽ സെക്രട്ടറി മുത്തയ്യ ഗുരുക്കൾ . ഉദ്യോഗസ്ഥരെത്തിയ സമയത്ത് അമ്പലത്തിനുള്ളിൽ  മദ്യപിച്ചു ബോധമില്ലാതെയെത്തിയ  പേഴ്‌സണൽ സെക്രട്ടറിയാണ് ഹിന്ദു റീജിയണൽ  ആൻഡ് ചാരിറ്റബിൾ എൻഡോമെന്റ്  അധികാരികളെ  കൃത്യനിർവ്വഹണത്തിൽ നിന്നും  തടഞ്ഞുകൊണ്ട്  ക്ഷേത്രത്തിൽ നിന്നും  പുറത്തിറങ്ങി പോകാൻ  ആവശ്യപ്പെട്ടത് . ആറോളം വരുന്ന അസിസ്റ്റൻഡ് കമ്മീഷണർ ഉൾപ്പടെയുള്ള  ഉദ്യോഗസ്ഥരെ  പ്രകോപ്പിക്കും വിധമായിരുന്നു  പ്രഹസനങ്ങൾ നടത്തിയത് . നാട്ടുകാരും ഭക്തരും കരയോഗം പ്രവർത്തകരും തിരുവനന്തപുരം  തമിഴ് ബ്രാഹ്മണ സമുദായ പ്രവർത്തകരും  മുഞ്ചിറ മഠത്തിലെ  മുഖ്യ രക്ഷാധികാരിയും  ഉപദേശകനുമായി  എഴുത്തുകുത്തുകൾ  നടത്തുന്ന കിളിമാനൂർ രാജകൊട്ടാരത്തിലെ  സി ആർ കേരള വർമ്മയുടെയും  കണ്മുന്നിലായിരുന്നു  പേഴ്‌സണൽ സെക്രട്ടറി  അമ്പല നടയിൽ അഴിഞ്ഞാടിയത് . മൊഴിയെടുക്കാതെ അവർ തിരികെ പോകുകയായിരുന്നു .