കോട്ടയം.:- സംവരണ വിഷയത്തിൽ പിണറായി സർക്കാർ ഹിന്ദു പിന്നോക്ക വിഭാഗങ്ങളോട്കടുത്ത വഞ്ചന തുടരുകയാണെന്ന് ഹിന്ദു ഐക്യവേദി സംസ്ഥാന ജനറൽ സെക്രട്ടറി ഈ. എസ്. ബിജു ആരോപിച്ചു
ഹൈക്കോടതി നിരോധിച്ച obc ക്രൈസ്തവ നാടാർ സംവരണ ഉത്തരവ്‌ പുനർ സ്ഥാപിക്കാൻ അപ്പീൽ പോകുമെന്ന നിയമ വകുപ്പ് മന്ത്രിയുടെ പ്രസ്താവന ഹിന്ദു സമൂഹത്തോടുള്ള വെല്ലുവിളിയാണ്.
ന്യൂനപക്ഷ സംവരണം റദ്ദാക്കിയ ഹൈക്കോടതി ഉത്തരവിനെതിരെ യും,ഒബിസി സംവരണം പരിവർത്തിതരായ സഭാംഗങ്ങൾക്ക് നൽകുന്നതിനെതിരെ ഹൈക്കോടതി പുറപ്പെടുവിച്ച നിരോധന ഉത്തരവിനെതിരെ സുപ്രീംകോടതിയിൽ അപ്പീൽ നൽകാൻ തീരുമാനിച്ചതും ഹിന്ദു വിരുദ്ധതയുടെ പ്രത്യക്ഷ തെളിവാണ്.
ഒബിസി സമൂഹത്തിലെ 91 സമൂഹങ്ങൾക്ക് ലഭിച്ചുവരുന്ന 9% സംവരണത്തിൽ 41 ക്രൈസ്തവസഭകളിലെ അംഗങ്ങളെയും ഉൾപ്പെടുത്തി കൊണ്ടാണ് സർക്കാർ ഉത്തരവിറക്കിയിരുന്നത് , ഹിന്ദു ഒബിസി സമൂഹത്തെ സാരമായി ബാധിക്കുന്നതാണ് ഈ ഉത്തരവ്‌.
സംവരണ തത്വത്തെ കാറ്റിൽപറത്തി സമൂഹത്തിലെ ഒരു സമൂഹത്തിന് ന്യൂനപക്ഷ സംവരണവും,ഒബിസി സംവരണവും നൽകുന്നതിനെ യാണ് ഹൈക്കോടതി ചോദ്യം ചെയ്തത്, ഹിന്ദു സമൂഹത്തിലെ നിർദ്ദനരും,സാമൂഹ്യമായി പിന്നോക്കം നിൽക്കുന്ന വരുമായ സമൂഹത്തിന്റെ അവകാശ, അധികാരങ്ങൾ കവർന്നെടുത്ത് സംഘടിത മത ന്യൂനപക്ഷത്തിന് നൽകുന്നത് മതേതര ജനാധിപത്യ സർക്കാരിന് ഭൂഷണമല്ലെന്ന് ഇ.എസ് .ബിജു പറഞ്ഞു.
0 Comments