[ap_tagline_box tag_box_style=”ap-bg-box”]ഉളിയാഴ്ത്തുറ വില്ലേജിൽ കരം അടയ്ക്കാൻ കാലതാമസം ; ജനം വലയുന്നു .[/ap_tagline_box]

ശ്രീകാര്യം : ഉളിയാഴ്ത്തുറ  വില്ലേജിൽ കരം  അടയ്ക്കുന്നതിനുള്ള  കാലതാമസം  വസ്തു  ഉടമകൾക്ക് വൻതോതിൽ ബുദ്ധിമുട്ടുണ്ടാക്കുന്നു . പല വില്ലേജുകളിലും ഓൺലൈനായാണ് കരമടയ്ക്കുന്നത് .കോവിഡ് രോഗവുമായി ബന്ധപ്പെട്ട് പ്രശ്നങ്ങൾ  ഉണ്ടാകുന്നതിന് വളരെ  മുൻപ്  തന്നേ  ഓൺലൈൻ ജോലികൾ പൂർത്തിയാക്കിയിരുന്നു …യാത്ര ഉൾപ്പടെയുള്ള വിലക്കുകൾ തുടരുന്നുണ്ടെങ്കിലും കല്യാണം ,വസ്തു കൈമാറ്റം ,വീതം വയ്ക്കൽ ,വായ്‌പ്പ തുടങ്ങിയവയൊക്കെ യഥേഷ്ട്ടം നടക്കുന്നുണ്ട് .കൂടാതെ ലൈഫ് പദ്ധതിയുൾപ്പടെ പാവപെട്ടവർക്കുള്ള വസ്തുവാങ്ങി വീട് വയ്ക്കുന്നതുൾപ്പടെയുള്ള ഭവന പദ്ധതികളും തുടരുകയാണ് . കാർഷിക സംബന്ധമായ  പദ്ധതികളും സമയപരിധി  കഴിയുകയാണ് . കിസ്സാൻ  കാർഡിൽ  ഇപ്പോഴും അപേക്ഷിക്കുന്നവരും   കുറവല്ല .

ഉളിയാഴ്ത്തുറ വില്ലേജ് ജീവനക്കാർ കോവിഡ് പ്രശ്നങ്ങൾ മുതലാക്കി ,മനഃപൂർവ്വം കരമടയ്ക്കുന്നത്  വൈകിപ്പിക്കുന്നതായാണ് ജനത്തിന്റെ പരാതി .എന്നാൽ ഓൺലൈൻ ജോലികൾ എൺപത് ശതമാനവും പൂർത്തിയായതായി വില്ലേജ് ഓഫിസർ പറഞ്ഞു .ബാക്കിയുള്ളവയുടെ അപ്‌ലോഡ് ജോലികൾ പുരോഗമിക്കുന്നുണ്ട് .വില്ലേജിൽ കരമടയ്ക്കുന്നതുമായി ബന്ധപ്പെട്ട് പോകുന്നവരോട് ജീവനക്കാർ ദേഷ്യത്തിൽ ഇടപെടുന്നതായും പറയുന്നുണ്ട് .ഒരു തണ്ടപ്പേർ അപ്‌ലോഡ് ചെയ്യുന്നതിന് നാലുമണിക്കൂർ  വേണമെന്നത്രെ പറഞ്ഞത് .പരിചയങ്ങളുടെ പേരിൽ ചിലർക്ക് മുൻഗണന നൽകുന്നതായും ആരോപണങ്ങളുണ്ട് .രണ്ടാഴ്ച വരേയാണ് കാലതാമസം വരുന്നത്  .