നായർ സർവീസ് സൊസൈറ്റിയിൽ പ്രധാനപ്പെട്ട എല്ലാ പദവികളും വഹിച്ച യശശരീരനായ . പി കെ നാരായണ പണിക്കർ സാർ എന്നും എനിക്ക് ഒരു വഴികാട്ടി ആയിരുനെന്ന് ഹൈദ്രബാദ് എൻ എസ് എസ് ജനറൽ സെക്രട്ടറി സുരേഷ് ജി നായർ . .അദ്ദേഹത്തിന്റെ ചരമദിനത്തോട് അനുബന്ധിച്ചുള്ള  ഓർമ്മക്കുറിപ്പിലാണ് ഇങ്ങനെ പറയുന്നത് .’2005 -ൽ അദ്ദേഹത്തിന്റെ വാഴപ്പള്ളിയിലെ വസതിയിൽ വെച്ചു കണ്ടപ്പോൾ ഹൈദരാബാദ് നഗരത്തിലെ നായന്മാരെ കുറിച്ച് സംസാരിക്കുകയുണ്ടായി . ഇവിടെ എൻ എസ് എസ് എന്ന സംഘടന സംവിധാമില്ലാത്ത കാര്യം ഞാൻ ശ്രദ്ധയിൽപെടുത്തുകയും ചെയ്തു . കേരളത്തിൽ നിന്നും നേരിട്ട് ഒന്നും ചെയ്യാൻ സാധിക്കുകയില്ലന്നും അവിടെ നിങ്ങൾ സ്വന്തമായി അവിടുത്തെ നിയമപ്രകാരം രജിസ്റ്റർ ചെയിതു തുടങ്ങുവാനും എന്നോട് അദ്ദേഹം നിർദേശിച്ചു. തുടർന്ന് അദേഹത്തിന്റെ അനുഗ്രഹാശ്ശിസുകളോടെ തുടങ്ങിയ പ്രസ്ഥാനമാണ് ഇന്ന് തെലുങ്കാനയുടെ തലസ്ഥാനമായ ഹൈദരാബാദിൽ അഭിമാനപൂർവ്വം തലയുയർത്തി നിൽക്കുന്ന നായർ സർവീസ് സൊസൈറ്റി.
രണ്ടുപ്രാവശ്യം ഈ നഗരത്തിൽ എത്തി ഞങ്ങളോടൊപ്പം സൊസൈറ്റി യുടെ ആഘോഷപരിപാടികളിൽ പങ്കെടുത്ത് അദേഹത്തിന്റെ മഹനീയ സാന്നിധ്യം അറിയിച്ചിട്ടുണ്ട് . അന്ന് അദ്ദേഹത്തിൽ നിന്നും കിട്ടിയ നിർദേശങ്ങൾ എനിക്ക് വ്യക്തിപരമായും സംഘടനപ്രവർത്തനത്തിലും എന്നെ സഹായിച്ചു. അദേഹത്തിന്റെ ദീർഘവീക്ഷണത്തിലുള്ള തീരുമാനം ഹൈദരാബാദിലെ നായർ സമുദായ അംഗങ്ങൾക്ക് ഗുണകരമായി.എക്കാലത്തും ആ മഹത് വ്യക്തിയെ നന്ദിയോടെ ഞങ്ങൾ സ്മരിക്കുന്നതായി ‘ തുടർന്ന് അദ്ദേഹം പറഞ്ഞു .(Panicker Sir in memories…Hyderabad NSS.)

G Suresh kumar
Gen secretary
NSS Hyderabad