നായർ സ്ത്രീയുടെ ഭരണപാടവം ,.ലേഡി രാമവർമ…പാറുക്കുട്ടി നേത്യാരമ്മ!

by | Apr 2, 2021 | History | 0 comments

പാറുക്കുട്ടി നേത്യാരമ്മ :- 

തൃശൂർ നടുക്ക് എഴുപതേക്കറോളം വരുന്ന തേക്കിൻകാട് മൈതാനം. ചുറ്റും റോഡിന് ഒരു വശത്തുമാത്രമായി കെട്ടിടങ്ങൾ. പ്രദക്ഷിണ വഴികൾ…നമ്മുടെ സ്വരാജ് റൗണ്ടിനെപ്പോലൊരു നഗരം വേറൊന്നില്ല. റൗണ്ടിലൂടെ പായുമ്പോൾ ഓർമിക്കുക; നമ്മൾ നന്ദി പറയേണ്ടത് പാറുക്കുട്ടിയോടാണ്. പാറുക്കുട്ടി നേത്യാരമ്മയോട് …

ആരാണീ പാറുക്കുട്ടി..??
ലേഡി രാമവർമ എന്നറിയപ്പെട്ടവൾ. രാമവർമ കൊച്ചി രാജാവിന്റെ ഭാര്യ. 1919ൽ കിങ് ജോർജ് അഞ്ചാമൻ കൈസർ ഐ ഹിന്ദ് സ്വർണമെഡൽ നൽകി ആദരിച്ച മഹതി. ഇതിന്റെ വെങ്കലമെഡൽ ലഭിച്ച മറ്റൊരാളെ നിങ്ങളറിയും. സാക്ഷാൽ മഹാത്മാഗാന്ധി.!

ജനനം :-
വടക്കേ കുറുപ്പത്ത് നായർ തറവാട്ടിലെ പടിഞ്ഞാറേ ശ്രാമ്പിൽ വീട്ടിലാണു പാറുക്കുട്ടി നേത്യാരമ്മ ജനിച്ചത്. കൊച്ചി രാജാക്കന്മാരെ പട്ടാഭിഷേകം നടത്തുന്ന കുറൂർ നമ്പൂതിരി കുടുംബത്തിലെ അംഗമാണ് നേത്യാരമ്മയുടെ പിതാവ്.



/a> 

വിവാഹം :
1888ൽ 14 വയസുള്ളപ്പോൾ കൊച്ചി രാജാവ് രാമവർമയുടെ പത്നിയായി. രാമവർമ രാജാവായപ്പോൾ കൊച്ചി രാജ്യത്തെ സാമ്പത്തിക കാര്യങ്ങൾ പാറുക്കുട്ടി നേത്യാരമ്മയായിരുന്നു നോക്കി നടത്തിയിരുന്നത്. ഗൗളി ശാസ്ത്രവും വിഷവൈദ്യുവുമായിരുന്നത്രേ രാജാവിനു കമ്പം.

റൗണ്ട് പാടലീപുത്ര :
തൃശൂർ പട്ടണത്തിന്റെ വാസ്തുവിദ്യയ്ക്കു പിന്നിൽ നേത്യാരമ്മയുടെ ബുദ്ധിയുണ്ട്. പാടലീപുത്രം എന്ന ചന്ദ്രഗുപതരാജധാനിയുടെ അതേ ശൈലിയിൽ തൃശൂർ നഗരം രൂപകലൽപന ചെയ്തു. സ്വരാജ് റൗണ്ട് റോഡ് കോൺക്രീറ്റ് ചെയ്യാൻ ബ്രിട്ടീഷ് കമ്പനിയെ ഏൽപിച്ചു. അറ്റകുറ്റപ്പണിയും കമ്പനി  തന്നെ ഏറ്റെടുക്കണം. വീഴ്ച വന്നാൽ  പിന്നെ  കൊച്ചി രാജ്യത്ത്  ഒരു കരാർ ജോലിയും ആ ബ്രിട്ടീഷ്  കമ്പനിക്ക്  ഏറ്റെടുക്കാനാവില്ലെന്നൊരു  വകുപ്പും ചേർത്തു.

റൗണ്ടിനടിയിലെ ശാസ്ത്രം :-
ഇന്നത്തെ ഭരണാധികാരികളും എൻജിനീയർമാരും നടത്തിയ ‘ഭരണപരിഷ്കാര’ത്തിന്റെ ഫലം ഒരു മഴ പെയ്താൽ സ്വരാജ് റൗണ്ടിൽ കാണാം. ഉടൻ വെള്ളം പൊങ്ങും. എന്നാൽ പാറുക്കുട്ടി നേത്യാരമ്മ കോൺക്രീറ്റ് റോഡ് ഉണ്ടാക്കിയപ്പോൾ എത്ര കനത്തമഴയിലും ഒരു തരിവെള്ളം കെട്ടി നിന്നിരുന്നില്ല.
റോഡിന് ഇരുവശത്തും പ്രത്യേകരീതിയിലുള്ള കാനകൾ, റോഡിനടിയിലൂടെ കോൺക്രീറ്റ് കുഴലുകൾ, വടക്കുന്നാഥൻ ക്ഷേത്രമുറ്റത്തും മൈതാനത്തും പെയ്തുപാഞ്ഞെത്തുന്ന മഴവെള്ളം റോഡ്പോലുമറിയാതെ പുറന്തള്ളപ്പെടും. വയലുകളിലേക്ക് ഒഴുകിപ്പോകും.

എന്താണ് സംബന്ധം ? നായർ സ്ത്രീകൾ ആരുടെയും അടിമ ആയിരുന്നില്ല

പാറുക്കുട്ടി ഇക്കണോമിക്സ് :-
രാമവർമ തമ്പുരാൻ സ്ഥാനാരോഹണം ചെയ്യുമ്പോൾ കടക്കെണിയിലായിരുന്നു കൊച്ചി രാജ്യം. കടം കയറിയ മട്ടാഞ്ചേരി ബ്രിട്ടീഷുകാർ പിടിച്ചെടുത്തശേഷം കണ്ണുവച്ചത് കൊച്ചി രാജ്യമായിരുന്നു. അനാവശ്യമെന്നു തോന്നിയ അഡ്മിനിസ്ട്രേഷൻ തസ്തികകൾ നിർത്തലാക്കി. അധികവരുമാനം ലഭിക്കാനുള്ള 9 മേഖലകൾ കണ്ടെത്തി. അമിത ചെലവുകളെല്ലാം ചുരുക്കി. ബ്രിട്ടീഷുകാരുമായുള്ള കടങ്ങളെല്ലാം നേത്യാരമ്മ അടച്ചുതീർത്തു. ഈ മികവിനാണ് കൈസർ ഐ ഹിന്ദ് പുരസ്കാരം നൽകിയതെന്നു ചരിത്രം.

മിഷൻ പീച്ചി ഡാം :-
1962ൽ വന്ന പീച്ചിഡാമിന്റെ പ്ലാൻ തയാറാക്കിയത് നേത്യാരമ്മയാണെന്നൊരു വാദമുണ്ട്. നഗരത്തിൽ കുടിവെള്ളം മുടങ്ങാതിരിക്കാൻ എൻജിനീയറിങ് വിസ്മയമൊരുക്കി പെരിങ്ങാവ് കുളം നിർമിച്ചു. കൊച്ചി രാജ്യത്തെ ജയിൽ തേക്കിൻകാട് മൈതാനത്തു നിന്നു വിയ്യൂരിലേക്കു മാറ്റി. ആൺകുട്ടികൾക്കും പെൺകുട്ടികൾക്കുമായി പ്രത്യേകം വിദ്യാഭ്യാസ സ്ഥാപനങ്ങൾ തുടങ്ങി. കൊച്ചി രാജ്യത്തു സർവകലാശാല തുടങ്ങാൻ മകൻ അരവിന്ദാക്ഷമേനോനെ ഓക്സ്ഫഡ് സർവകലാശാലയിൽ വിട്ടുപഠിപ്പിച്ചു.
ഇവയൊക്കെ പാറുക്കുട്ടി വരച്ചിട്ട രജത ജീവിതരേഖകൾ. 1932ൽ രാമവർമ രാജാവ് നാടുനീങ്ങിയതോടെ നേത്യാരമ്മയുടെ ഭരണം അവസാനിച്ചു. മകൾ രത്നമ്മയുടെ മകൻ പാലാട്ട് ശങ്കരൻനായരോടൊപ്പം നേത്യാരമ്മ ഇംഗ്ലണ്ടിൽ പോയി കുറച്ചു കാലം താമസിച്ച ശേഷം തിരിച്ചു വന്നു.കോൺഗ്രസ് നേതാവായിരുന്ന കുറൂർ നീലകണ്ഠൻ നമ്പൂതിരിപ്പാട് നേത്യാരമ്മയുടെ ബന്ധുവായിരുന്നു.മഹാത്മാഗാന്ധിയുമായി ബന്ധം പുലർത്തിയിരുന്ന അവർ ഖാദി പ്രസ്ഥാനത്തിനും സംഭാവന നൽകി.

 ‘സ്വാതന്ത്യപോരാട്ടം നടത്തുന്ന ദേശീയവാദികളുടെ സംഗമസ്ഥലവും ഖാദിപ്രസ്ഥാനത്തിനു കരുത്തേകാൻ ചർക്കയിൽ നൂൽ നൂൽക്കുന്ന ഇടവും കൊച്ചി രാജ്യത്തെ തൃപ്പൂണിത്തുറ ഹിൽ പാലസാണ്’ എന്ന് നാഷനൽ ആർക്കൈവ്സിലെ പഴയ ബ്രിട്ടീഷ് ഇന്റലിജൻസ് രേഖകളിൽ പറയുന്നു. ദേശീയവാദികളെ സ്വാതന്ത്യപോരാട്ടത്തിനൊരുക്കുന്നതിൽ മഹാത്മാഗാന്ധിയുമായി കത്തിടപാടു നടത്തിയിരുന്ന പാറുക്കുട്ടി തന്നെയായിരുന്നു തൃപ്പൂണിത്തുറ ഹിൽപാലസിലെ കൂട്ടായ്മകൾക്കും പിന്നിൽ.

www.pathradipar.com WhatsApp channel

0 Comments

Submit a Comment

Your email address will not be published. Required fields are marked *

Latest News

പൊതുവിദ്യാഭ്യാസ രംഗത്ത് കേരളം നടത്തുന്ന മുന്നേറ്റത്തിന് ഊർജ്ജം പകർന്നുകൊണ്ട് ഇന്ന് 68 പുതിയ സ്കൂള്‍ കെട്ടിടങ്ങളുടെ ഉദ്ഘാടനവും 33 സ്കൂള്‍ കെട്ടിടങ്ങളുടെ ശിലാസ്ഥാപനവും നടന്നു. 68 സ്കൂള്‍ കെട്ടിടങ്ങളില്‍ 31 എണ്ണം കിഫ്ബി ഫണ്ടുപയോഗിച്ച് നിര്‍മ്മിച്ചവയാണ്. അവയില്‍ രണ്ട്...

സ്വാഗതം’ജനാധിപത്യത്തിലേക്ക് !    ബിജെപി ചരിത്രംകുറിക്കും.    താമര വിരിയും.

സ്വാഗതം’ജനാധിപത്യത്തിലേക്ക് ! ബിജെപി ചരിത്രംകുറിക്കും. താമര വിരിയും.

കേരളത്തെ ഞെട്ടിച്ചുകൊണ്ട് വരുന്ന ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് ബിജെപി ചരിത്രം കുറിക്കും ?തിരുവിതാംകൂർ രാജവംശത്തിൽ നിന്ന് അപ്രതീക്ഷിത തീരുമാനം ഉണ്ടായാൽ പത്മനാഭന്റെ മണ്ണിൽ ആദിത്യവർമ്മ സ്ഥാനാർത്ഥിയാകും.ഇങ്ങനെ സംഭവിച്ചാൽ ചരിത്രം ബിജെപിയ്ക്ക് വഴിമാറും...

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

error: Content is protected !!