ഇന്ന്ചട്ടമ്പിസ്വാമി തിരുവടികളുടെ തൊണ്ണൂറ്റിയാറാമത് മഹാസമാധി ദിനം .24.4.20

by | Apr 25, 2020 | Spirituality | 0 comments

കൊല്ലം : 2020 ഏപ്രിൽ 24 ഭരണിനാൾ ആണ് എങ്കിലും ഈ വർഷം 25-ന് സമാധി ദിനം സമുചിതമായി നാം ആഘോഷിക്കുകയാണ് .25-ന് രാവിലെ 7 മണിക്ക് ഭദ്രദീപം തെളിയിച്ച് സമാധിപൂജ പൂർത്തിയാവും വരെ കെടാതെ നോക്കണം.സ്വാമികൾ മേടമാസത്തിലെ കാർത്തിക നാളിൽ കൃത്യം 3.35 PM നാണ് സമാധിയായത്.
“ജ്ഞാനവൃദ്ധനായിട്ടും ജ്ഞാനദാഹം തീരാത്ത വിദ്യാധിരാജൻ, തൻ്റെ അവസാന ശ്വാസവും ജ്ഞാനസൂന ഗന്ധം നിറഞ്ഞതാകണം എന്നു ചിന്തിച്ചതിനാലാകം, സമാധി സ്ഥലമായി പന്മനയിലെ സി.പി.പി. സ്മാരക ഗ്രന്ഥശാല തിരഞ്ഞെടുത്തത്.
സമാധിയായ ദിവസവും സന്ദർശകത്തിരക്കുള്ള ദിവസമായിരുന്നു. രാവിലെ മുതൽ ഈ ജ്ഞാനഹിമാചല ദർശനധന്യതയ്ക്കായി എത്തിച്ചേർന്നവരെല്ലാം ഉച്ചയോടെ തൊഴുതിറങ്ങി. ഉച്ചയോടെ എത്തിയ ഒരു ഗഞ്ചിറവാദകൻ സൃഷ്ടിച്ച നാദതരംഗങ്ങളിൽ സ്വാമികൾ ഒഴുകി നടന്നു. സന്തുഷ്ടനായ ആ വാദ്യേന്ദ്രൻ ആ ഗഞ്ചിറ വാങ്ങി സ്വയം ഒരു നാദമാരി ചൊരിഞ്ഞ് ശ്രോതാക്കളുടെ ഹൃദയങ്ങളെ കുളിർപ്പിച്ചു.ഉച്ചകഴിഞ്ഞു, ക്ലോക്കിലെ സമയസൂചികൾക്ക് വേഗതയേറിയോ ? ഗ്രന്ഥശാലയിലെ നിശ്ശബ്ദ ഭഞ്ജിച്ചു കൊണ്ട് ക്ലോക്കിൽ 3 നാദം ഉയർന്നു. 3 മണിയായി. വീണ്ടും ഗ്രന്ഥശാലയെ നിശ്ശബ്ദത ഗ്രസിച്ചു. ക്ലോക്കിലെ ടിക് ടിക് ശബ്ദം വരാൻ പോകുന്ന ഏതോ അമാനുഷ നിമിഷത്തിൻ്റെ സൂചനയോ ? സ്വാമികൾ പണിക്കരെ അന്വേഷിക്കുന്നു. തന്നെ കിടക്കയിൽ നിവർത്തി ഇരുത്തുവാൻ ആവശ്യപ്പെടുന്നു. നിവർത്തി ഇരുത്തിയ പണിക്കരും കണ്ടു നിന്നവരും അത്ഭുതപ്പെട്ടു. സ്വാമികളുടെ കാലുകൾ പത്മാസനത്തിൽ ഉറച്ചിരിക്കുന്നു. കരങ്ങൾ തുടകളിൽ ഉറച്ചു, കൈപ്പത്തി ചിന്മുദ്രയിലും. ദൃഷ്ടികൾ മൂർദ്ധാവിലേക്ക് ഉയർന്നു….. ഉറച്ചു. സമയം 3.35.ആ ദിവ്യഗാത്രം നിശ്ചലമായി എന്നും ആ ദിവ്യാത്മാവ് പരമപദം പൂകി എന്നും കണ്ടു നിന്നവർക്ക് പെട്ടെന്നു മനസ്സിലായില്ല. ചട്ടമ്പിസ്വാമി തിരുവടികൾ സമാധിയായി ”

ആയതിനാൽ സമാധിപൂജ കൃത്യം 3.35-ന്‌ ആരംഭിക്കണം.പൂജാമന്ത്രമായി സ്വാമികളുടെ അഷ്ടോത്തര മന്ത്രം 1008 തവണ ജപിക്കണം.പൂജയ്ക്ക് നിവേദ്യമായി കൽക്കണ്ടം, ഉണക്കമുന്തിരി , പഴം എന്നിവ യാണ് വയ്ക്കേണ്ടത് എന്ന് സ്വാമികൾ തന്നെ പറഞ്ഞിട്ടുള്ളതാണ്.പുഷ്പാർച്ചനയും ദക്ഷിണ സമർപ്പണവും ഉണ്ടാവണം. ഏതു പൂജയിലും വെള്ളപ്പൂക്കളാണ് അർച്ചിക്കേണ്ടതെന്ന് സ്വാമികൾ തന്നെ പറഞ്ഞിട്ടുണ്ട്.കർപ്പൂരാർച്ചനയോടെയാവണം പൂജ സമർപ്പിക്കേണ്ടത്.നിവേദ്യം പ്രസാദമായി കുടുംബാംഗങ്ങൾക്ക് പകർന്നു നൽകണം.

ഈ കൊറോണക്കാലം നാം നമ്മെ സ്വാമി പാദങ്ങളിൽ അർപ്പിക്കയാണ് ചെയ്തത്. ചിന്തയിലും പ്രവർത്തനത്തിലും ഭക്ഷണത്തിലും, ഒരു പരിധിവരെ നിശ്ചിത കാലയളവിലേക്കെങ്കിലും, ഒരു പുതിയ പാത സ്വീകരിക്കുവാൻ നാം തയ്യാറായി. സ്വാമികളുടെ അനുഗ്രഹത്താൽ നമ്മുടെ കുടുംബാംഗങ്ങളേ കലിബാധിച്ച കൊറോണ ഇതുവരെ ബാധിച്ചതായി അറിവില്ല. ഇനിയും അങ്ങിനെ തന്നെയാവും.എല്ലാവർക്കും നന്മ വരുവാൻ സ്വാമി പാദങ്ങളിൽ നമസ്കരിക്കുന്നു.

ഓം ശ്രീ വിദ്യാധിരാജ നമ:
ഓം ശ്രീ ജീവകാരുണ്യ ദേവ നമ:
ഓം ശ്രീ വൈദ്യാധിരാജ നമ:

സ്നേഹപൂർവ്വം…പെരുമുറ്റം രാധാകൃഷ്ണൻ

ശ്രീ ചട്ടമ്പി സ്വാമികളുടെ സമാധി ദിനത്തിൽ സമുദായാംഗങ്ങൾക്കായി നായർ സമുദായ സംഘടനയായ സമസ്തനായർ സാമാജം ജനറൽ സെക്രട്ടറി പെരുമുറ്റം രാധാകൃഷ്ണന്റെ സന്ദേശം .

0 Comments

Submit a Comment

Your email address will not be published. Required fields are marked *

Latest News

ആശുപത്രി മാനേജ്‌മെൻറ് ക്രൂരത തെലുങ്കാന മലയാളിഅസോസിയേഷൻ ഇടപെടൽ നിർണ്ണായകമായി .

ആശുപത്രി മാനേജ്‌മെൻറ് ക്രൂരത തെലുങ്കാന മലയാളിഅസോസിയേഷൻ ഇടപെടൽ നിർണ്ണായകമായി .

ആശുപത്രി മാനേജ്‌മെൻറ് ക്രൂരത തെലുങ്കാന മലയാളിഅസോസിയേഷൻ ഇടപെടൽ നിർണ്ണായകമായി . ഹൈദരാബാദ്: ആലപ്പുഴ സ്വാദേശിയായ നിർദ്ധന വിദ്യാർത്ഥിയോട് തെലുങ്കാന ഹൈദരാബാദ് നാമ്പള്ളി കെയർ ഹോസ്പിറ്റൽ അധികൃതരുടെ മനുഷ്യത്വരഹിതമായ ക്രൂരതയ്ക്ക് താക്കീത് നൽകി ആൾ ഇൻ മലയാളി അസോസിയേഷൻറെ നിർണ്ണായക...

പി എച്ച് ഡി റാങ്ക്ലിസ്റ് പ്രസിദ്ധീകരിച്ചു .ഒന്നാംറാങ്ക് നായർ വിദ്യാർത്ഥിക്ക്

പി എച്ച് ഡി റാങ്ക്ലിസ്റ് പ്രസിദ്ധീകരിച്ചു .ഒന്നാംറാങ്ക് നായർ വിദ്യാർത്ഥിക്ക്

കേരള സാഹിത്യഅക്കാദമി കേന്ദ്രമായി കാലിക്കറ്റ് സര്‍വ്വകലാശാലയില്‍ ഗവേഷണം ചെയ്യുന്ന വിദ്യാര്‍ത്ഥികളുടെ റാങ്ക് ലിസ്റ്റ് പ്രസിദ്ധീകരിച്ചു.മലപ്പുറം ഉപ്പട ചുരക്കാട്ടിൽ വീട്ടിൽ അമൃതപ്രിയ ഒന്നാംറാങ്ക് നേടി .നായർ സമുദായാംഗമാണ് .സരിതാ കെ എസ് (പുലയ )രണ്ടാം റാങ്ക് ,സ്നേഹാ ചന്ദ്രൻ...

ഓർമകളിലെ പണിക്കർ സാർ…ഹൈദ്രബാദ് എൻ എസ് എസ് .

ഓർമകളിലെ പണിക്കർ സാർ…ഹൈദ്രബാദ് എൻ എസ് എസ് .

നായർ സർവീസ് സൊസൈറ്റിയിൽ പ്രധാനപ്പെട്ട എല്ലാ പദവികളും വഹിച്ച യശശരീരനായ . പി കെ നാരായണ പണിക്കർ സാർ എന്നും എനിക്ക് ഒരു വഴികാട്ടി ആയിരുനെന്ന് ഹൈദ്രബാദ് എൻ എസ് എസ് ജനറൽ സെക്രട്ടറി സുരേഷ് ജി നായർ . .അദ്ദേഹത്തിന്റെ ചരമദിനത്തോട് അനുബന്ധിച്ചുള്ള  ഓർമ്മക്കുറിപ്പിലാണ് ഇങ്ങനെ...

പൊതുവിദ്യാഭ്യാസ രംഗത്ത് കേരളം നടത്തുന്ന മുന്നേറ്റത്തിന് ഊർജ്ജം പകർന്നുകൊണ്ട് ഇന്ന് 68 പുതിയ സ്കൂള്‍ കെട്ടിടങ്ങളുടെ ഉദ്ഘാടനവും 33 സ്കൂള്‍ കെട്ടിടങ്ങളുടെ ശിലാസ്ഥാപനവും നടന്നു. 68 സ്കൂള്‍ കെട്ടിടങ്ങളില്‍ 31 എണ്ണം കിഫ്ബി ഫണ്ടുപയോഗിച്ച് നിര്‍മ്മിച്ചവയാണ്. അവയില്‍ രണ്ട്...

സ്വാഗതം’ജനാധിപത്യത്തിലേക്ക് !    ബിജെപി ചരിത്രംകുറിക്കും.    താമര വിരിയും.

സ്വാഗതം’ജനാധിപത്യത്തിലേക്ക് ! ബിജെപി ചരിത്രംകുറിക്കും. താമര വിരിയും.

കേരളത്തെ ഞെട്ടിച്ചുകൊണ്ട് വരുന്ന ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് ബിജെപി ചരിത്രം കുറിക്കും ?തിരുവിതാംകൂർ രാജവംശത്തിൽ നിന്ന് അപ്രതീക്ഷിത തീരുമാനം ഉണ്ടായാൽ പത്മനാഭന്റെ മണ്ണിൽ ആദിത്യവർമ്മ സ്ഥാനാർത്ഥിയാകും.ഇങ്ങനെ സംഭവിച്ചാൽ ചരിത്രം ബിജെപിയ്ക്ക് വഴിമാറും...

error: Content is protected !!