തിരുഃ ശ്രീ ശങ്കര ധർമ്മ പരിപാലന യോഗം   ജഗത് ഗുരു ശ്രീ ശങ്കരാചാര്യ ധർമ്മവും  അദ്വൈത സിദ്ധാന്തവും  പ്രചരിപ്പിക്കുന്നതിന്റെയും  സ്വാമിയാർമഠങ്ങൾ  സംരക്ഷിയ്ക്കുന്നതിന്റെയും ഭാഗമായി  ആരംഭിച്ച  ഒന്നാം ഘട്ട  യാത്രാപരിപാടി   വൻ വിജയം . പ്രചാരണവും  കൂടികാഴ്ചകളും സ്വാമിയാർ മഠം  സന്ദർശ്ശനങ്ങളും  വിപുലീകരണകാര്യ സമിതിയുടെ  നേതൃത്വത്തിൽ  നടത്തി .തുടക്കത്തിൽ  ആലപ്പുഴ ,എറണാകുളം ,തൃശൂർ  ജില്ലകളിൽ  നടന്നിട്ടുള്ള  പരിപാടികൾ വിജയമായിരുന്നുവെന്ന്  ചെയർമാൻ  തൃച്ചാറ്റുകുളം എൻ ശശികുമാർ  അറിയിച്ചു .  നിരവധി കൂടിക്കാഴ്ചകൾ   നടത്തുവാനായിട്ടുണ്ട് .  അംഗത്വത്തിനായി   മുൻ നിശ്ചയപ്രകാരമുള്ള ഭക്തരെയാണ്   നേരിൽ  കാണുവാൻ   കഴിഞ്ഞിട്ടുള്ളത് .  നിരവധി ശങ്കരാചാര്യ ഭക്തർ   ട്രസ്റ്റിൽ അംഗത്വം  സ്വീകരിച്ചു . മുഞ്ചിറ  മഠം സ്ഥാനീയർ   കൗൺസിൽ  ചെയർമാൻ  കിഴക്കേ ചെറുമുക്ക് നാരായണൻ  നമ്പൂതിരി ,  കാണിപ്പയ്യൂർ പരമേശ്വരൻ നമ്പൂതിരി ,  പയ്യൂർ മന ശങ്കരൻ നമ്പൂതിരി , തെക്കേ മഠം മാനേജർ വടക്കുമ്പാട് നാരായണൻ നമ്പൂതിരി ,  നായർ കൂട്ടായ്മ വിമൽ ,പന്തൽ മന  ശങ്കരനുണ്ണി നമ്പൂതിരി   തുടങ്ങിയവരുമായി  വിവിധ വിഷയങ്ങളിൽ  ആലോചനാ യോഗങ്ങൾ നടന്നു . എസ് എസ് ഡി പി യോഗം   ആരംഭിയ്ക്കുന്ന  ശ്രീ ശങ്കരാ റിസേർച്ച് സെന്ററിലേക്ക്   ഗ്രന്ഥങ്ങൾ   ശേഖരിക്കുന്ന   നടപടിയ്ക്കും  കാണിപ്പയ്യൂർ പരമേശ്വരൻ നമ്പൂതിരിയിൽ   നിന്നും ഗ്രന്ഥം   സ്വീകരിച്ചുകൊണ്ട്   ആരംഭം കുറിച്ചു .  രണ്ടാംഘട്ടമായി കൊല്ലം  കന്യാകുമാരി  തിരുവനന്തപുരം  ജില്ലകളിൽ  യാത്ര  ആരംഭിയ്ക്കുമെന്ന്  ചെയർമാൻ പറഞ്ഞു .സ്വാമിയാർ മഠം  സംരക്ഷിക്കലിന്റെ  ഭാഗമായി  ഉടൻ മുഞ്ചിറ  മഠത്തിൽ  സന്ദർശനം നടത്തും  സ്വാമിയാർ മഠം  ഭക്തരുമായും  പൂർവ്വികമായി  മഠവുമായി  ബന്ധപ്പെട്ട് പ്രവർത്തിച്ചിരുന്നവരുമായും  കൂടിക്കാഴ്ച്ചയും  ആശയവിനിമയങ്ങളും  നടത്തും . സ്വാമിയാർ മഠങ്ങളുടെ  സംരക്ഷണത്തിനായി  ശക്തമായ  പ്രവർത്തനമാണ്   എസ് എസ് ഡി പി യോഗം നടത്തിവരുന്നതെന്ന്   അദ്ദേഹം   തുടർന്ന്   പറഞ്ഞു .