തിരുവനന്തപുരം : ശ്രീ പത്മനാഭ സ്വാമി ക്ഷേത്രം  മുൻ പുഷ്പാഞ്ജലി സ്വാമിയാർ ശ്രീ മദ് പരമേശ്വര ബ്രഹ്മാനന്ദ തീർത്ഥ  സ്വാമിയാർമഠം  മാനേജരേയും മൂപ്പിൽ സ്വാമിയാരേയും കേസിൽ  അകപ്പെടുത്തുവാൻ  ശ്രമം നടത്തിയതായി സൂചനകൾ . സ്വാമിയാർ തമിഴ് നാട് സർക്കാരിനും  ഹിന്ദു റീലീജിയസ്സ് ചാരിറ്റബിൾ ആൻഡ് എൻഡോമെന്റ് വകുപ്പ് ഉദ്യോഗസ്ഥർക്കും  എഴുതിയിട്ടുള്ള  കത്തിലാണ്   അതിനെ സംബന്ധിച്ച  വിവരങ്ങളുള്ളത് .

മുഞ്ചിറ മഠം ചീഫ് സെക്രട്ടറി ആനന്ദ് മോഹൻ എഴുതിയ വിവരാവകാശ അപേക്ഷ

കഴിഞ്ഞ മുപ്പത്  വർഷങ്ങളായി  മുഞ്ചിറ മഠം  ഇടപാടുകൾ  ഒന്നും നടത്തിയിട്ടില്ലന്നും  എന്നാൽ മറ്റു ആരെങ്കിലും രെജിസ്റ്ററുകൾ  നടത്തിയിട്ടുണ്ടങ്കിൽ  അതിന്റെ പകർപ്പ് നൽകുവാൻ ബന്ധപ്പെട്ട  വകുപ്പിനോട്  ചോദിയ്ക്കുന്നുണ്ട് . ഇതേ  സമയം സ്വാമിയാർക്ക്  ലഭിച്ച 1996 ലേയും 2010 ലേയും രജിസ്റ്റർ  ചെയ്യപ്പെട്ട പവർ ഓഫ്  അറ്റോർണികൾ  മറച്ചുവച്ചായിരുന്നു  നാടകം നടത്തിയത് .സഹായത്തിന് ഒരു കുടുംബാംഗത്തെയും  കൂടെ കൂട്ടിയിട്ടുണ്ട്  . ഒരേ സമയം രേഖകൾ  ആവശ്യപ്പെട്ടുകൊണ്ട്   സഹായ അഭ്യർത്ഥനയോടെ  സ്വാമിയാരും  വിവരാവകാശ അപേക്ഷയുടെ രൂപത്തിൽ  ആനന്ദ് മോഹൻ റ്റി എന്ന വ്യക്തിയും ശ്രീ പത്മനാഭ സ്വാമി ക്ഷേത്രത്തിലെ സ്വാമിയാർ  മഠത്തിന്റെ  ഒരേ വിലാസത്തിൽ  കത്തെഴുതി . തീയതികളിലാണ് വ്യത്യാസമുണ്ടായിരുന്നത് .  ഇദ്ദേഹം  സ്വാമിയാരുടെ  മകനാണെന്ന്  വ്യക്തമായിട്ടുണ്ട് . സ്വാമിയാരുടെ  സെക്രട്ടറിയെന്ന്   കത്തിൽ   പറയുന്നുണ്ട് .

പവർ ഓഫ് അറ്റോർണി എഴുതിവാങ്ങിയ മുഞ്ചിറ പുതുക്കട പി ഓ യിൽ ചെറുവള്ളി വീട്ടിൽ ജി പി എസ് പിള്ള മകൻ വിജയ ശേഖരൻ നായർ .

രജിസ്റ്റർ  ചെയ്ത പവർ ഓഫ് അറ്റോർണികളെ  സർക്കാരിന്റെ  ശ്രദ്ധയിൽ കൊണ്ടുവരികയായിരുന്നു  ലക്ഷ്യമെന്ന്  അപേക്ഷയിൽ  നിന്നും  വ്യക്തമാണ് .  എന്നാൽ ആരുടെയും  പേരെടുത്ത്  പറയാതെയും  പരാതി  കൊടുത്തെന്ന്  വരുത്താതെയും  രഹസ്യമായി എഴുതിയ  കത്തിൽ  മുക്ത്യാർ  എഴുതിയ മൂപ്പിൽ സ്വാമിയാരേയും ഉത്തരവാദിത്വപ്പെട്ട  മാനേജർമാരേയും കേസിൽ  കുടുക്കുകയായിരുന്നു ലക്ഷ്യം . 2016 ൽ സ്വാമിയാർ അവരോധന സമയത്തും മുക്ത്യാർ രെജിസ്റ്റർ  ചെയ്യുന്ന സമയത്തും സ്വാമിയാർ മഠത്തിന്റെ  ചുമതലയിലുള്ള  മാനേജർ  കേന്ദ്ര -സംസ്ഥാന പബ്ലിക്ക് റിലീജിയസ് ഇൻസ്റ്റിസ്ട്യുഷൻ  നിയമങ്ങൾ പ്രകാരവും  ഹിന്ദു റിലീജിയസ് ചാരിറ്റബിൾ ആൻഡ് എൻഡോമെന്റ്  നിയമങ്ങൾ അനുസരിച്ചും  കേസിൽ ഉൾപ്പെടുകയും  കോടതികയറുകയും  ചെയ്യുമായിരുന്നു .  വളരെ തന്ത്രപ്രധാനമായ നീക്കം വേണ്ടത്ര  ഫലം കാണാതെപോയത്  തിരിച്ചടിയായി .  സ്വാമിയാർ  അവരോധിതനാകുന്ന സമയത്ത്  കന്യാകുളങ്ങര സുബ്രമണ്യൻ പോറ്റിയാണ്  രേഖകൾ പ്രകാരം  മുഞ്ചിറ മഠം മാനേജർ . നിയമ പരമായി മഠത്തെ സംരക്ഷിയ്ക്കേണ്ടതും സംബന്ധിയ്ക്കുന്ന പരിപൂർണ്ണ രേഖകൾ ഭദ്രമായി സൂക്ഷിയ്ക്കേണ്ടതും  സർക്കാരും മറ്റു  ബന്ധപ്പെട്ട  അധികാരികളോടും എഴുത്തുകുത്തുകളും  മറ്റും നടത്തേണ്ടതും  മാനേജരുടെ നിയമപരമായ ബാധ്യതയാണെന്നിരിയ്ക്കേ   സ്വാമിയാരുടെ   രഹസ്യ നീക്കത്തിനു  പിന്നിൽ  മാനേജർമാരെ കുടുക്കുകയെന്നതാണെന്ന്  സ്വാമിയാർ മഠവുമായി   ബന്ധപ്പെട്ടുള്ളവർ പറയുന്നു .

മുഞ്ചിറ മഠം കത്തിൽ മാനേജർ കന്യാകുളങ്ങര സുബ്രമണ്യൻ പോറ്റി ഒപ്പിട്ടിരിയ്ക്കുന്നു

പവർ ഓഫ് അറ്റോർണികൾ  രജിസ്റ്റർ ചെയ്യുന്ന  സമയത്തും  അദ്ദേഹമായിരുന്നോ  മാനേജരെന്ന്  വ്യക്തമല്ല . എന്നാലും അദ്ദേഹം ചുമതല  ഏറ്റെടുത്ത സമയം  മുതൽ നിയമ വിരുദ്ധ പവർ ഓഫ് അറ്റോർണികൾക്കെതിരെ  നിയമനടപടികൾ  സ്വീകരിയ്ക്കാത്തതിനാലും  നഷ്ടപെട്ട ഭൂമികളും മഠങ്ങളും തിരിച്ചുപിടിയ്ക്കുവാൻ  നടപടിയെടുക്കാത്തതിലും  സമാധാനം പറയേണ്ടിവരും .  മുഞ്ചിറ മഠത്തിൽ  നഷ്ടപെട്ട  ഭൂമികൾക്കും  മറ്റുവകകൾക്കും  മാനേജർമാർ നിയമപരമായി ഉത്തരവാദിയെന്നും  കോടതിയിൽ  ബോധ്യപ്പെടുത്തേണ്ടിവരുമെന്നും  പൂർവ്വാശ്രമത്തിൽ സർക്കാർ   ഉദ്യോഗസ്ഥനായിരുന്ന  സ്വാമിയാർക്ക്   അറിവുള്ളതാണ് എന്നിട്ടും  ഇത്തരമൊരു നീക്കം  നടത്തിയതിലെ  ചേതോവികാരം എന്തെന്ന്  മനസിലാകുന്നില്ല .

സ്വാമിയാർ  അവരോധനവുമായി ബന്ധപ്പെട്ട  കത്തിൽ  മാനേജർ  കന്യാകുളങ്ങര ആർ  സുബ്രമണ്യൻ പോറ്റി  ഒപ്പുവച്ചിരിയ്ക്കുന്നു .

2016 ൽ മാത്രം പുഷ്പാഞ്ജലി  സ്വാമിയാരായി വന്നിട്ടുള്ള  സ്വാമിയാർ  കഴിഞ്ഞ മുപ്പത്  വർഷമായി  മുഞ്ചിറ മഠം രജിസ്റ്ററുകളോ മറ്റു  ഇടപാടുകളോ ഒന്നും  തന്നെ  നടത്തിയിട്ടില്ലെന്നു  പറഞ്ഞിട്ടുള്ളത്ഒരു  ചോദ്യചിഹ്നമാണ് . ആരെയോ  സംരക്ഷിച്ചെടുക്കുവാനുള്ള വ്യഗ്രതയാണെന്നു  വ്യക്തമാണ് .അതോടൊപ്പം  മുഞ്ചിറ മഠത്തിന്റെ വിഗ്രഹങ്ങൾ  ഉൾപ്പടെയുള്ള  പത്ത് ലക്ഷം വിലവരുന്നവനഷ്ടപ്പെട്ടുവെന്ന്  കത്തിൽ പറയുന്നതിന്  അടിസ്ഥാനമെന്തെന്ന്   വ്യക്തമാക്കേണ്ടതുണ്ട്  . മഠം മാനേജർ  മറുപടി പറയേണ്ട ചോദ്യങ്ങളാണ്   സ്വാമിയാർ  ഹിന്ദു റീലീജിയസ്സ് ചാരിറ്റബിൾ ആൻഡ് എൻഡോമെന്റ്  വകുപ്പിനോട് ചോദിച്ചിട്ടുള്ളത് .   എന്നാൽ  ഇന്നുവരേയ്ക്കും   മാനേജരെ  മാറ്റിയതായോ മാനേജർ ഈക്കാര്യങ്ങളിൽ  രേഖാമൂലം  എഴുത്തുകുത്തുകൾ  നടത്തിയതായിട്ടോ  അറിവില്ല പരാതികളും  നൽകിയിട്ടില്ല  .

മുഞ്ചിറ മഠം ചീഫ് സെക്രട്ടറിയായി ആനന്ദ് മോഹൻ റ്റി യെ നിയമിച്ചുകൊണ്ടുള്ള സ്വാമിയാരുടെ കത്ത് .