പതിനാലാം വയസ്സിൽ മേൽശാന്തിനിയോഗം., ശങ്കരൻകുഞ്ഞിന് ജീവിതവും

by | Apr 12, 2020 | Spirituality | 0 comments

പതിനാലാം വയസ്സിൽ മേൽശാന്തി നിയോഗം., ശങ്കരൻകുഞ്ഞിന് ജീവിതവും

പുലർച്ചെ കരചരണാദി ശുദ്ധി വരുത്തി ശ്രീ കോവിലിനുള്ളിലേക്ക്. നിർമ്മാല്യശേഷം ബിംബശുദ്ധി വരുത്തി പഞ്ചോപചാര പൂജയും, ദീപാരാധനയും അനുബന്ധക്രിയകളും, ദേവന് നൈവേദ്യവും കഴിച്ച് നടയടച്ച് സാഷ്ടാംഗ പ്രണാമം. തുടർന്ന് നേരെ താൻ 9 ആം ക്ലാസ്സിൽ പഠിക്കുന്ന അക്ഷര കലാക്ഷേത്രത്തിലേക്ക്. പിന്നെ 4 മണി വരെ അദ്ധ്യാപകർക്കു മുന്നിൽ അക്ഷരദൈവങ്ങളുടെ അവിതർക്ക ഭക്തൻ. ഇടക്ക് കൂട്ടുകാരുമൊത്ത് കളിയും ചിരിയും..

ജനഗണമനകഴിഞ്ഞ് കേൾക്കുന്ന മണിനാദം ശങ്കരൻ കുഞ്ഞിനെ ഓരോ ദിവസവും കളിയുടെയും, ട്യൂഷന്റെയും ലോകത്തേക്കല്ല മറിച്ച് വൈദിക വൃത്തിയുടെ ഉത്തുംഗതയിലേക്കാണ് ഉയർത്തുന്നത്. മേൽശാന്തിയായി നിന്ന് നിത്യകർമങ്ങൾക്ക് പരിസമാപ്തി ആകുന്നതു വരെ സാമാന്യംതിരക്കുള്ള ഒരു ക്ഷേത്രത്തിൽ സേവനം. എട്ടു മണിയാകുമ്പോഴേക്കും വീട്ടിലെത്തും. തുടർന്ന് പഠനം.

വടശ്ശേരിക്കര കടമാൻകുന്ന് മഹാദേവ ക്ഷേത്രത്തിലെ പുതിയ മേൽശാന്തിയുടെ ഒരു ദിവത്തെ വിശേഷങ്ങളാണ് പറയുന്നത് . ഭക്തർ ശങ്കരൻ കുഞ്ഞ് എന്നു വിളിക്കുന്ന തിരുവല്ല, പൊടിയാടി വൈക്കത്തില്ലത്തെ ഇളമുറക്കാരൻ ഗൗരീ ശങ്ക ർ ഏറ്റവും പ്രായം കുറഞ്ഞ മേൽ ശാന്തിയായി അവരോധിക്കപ്പെട്ടിരിക്കുകയാണ്. ഇതോടെ ക്ഷേത്രത്തിൽ ഭക്തജനപ്രവാഹമാണ്. കോട്ടമലകയറ്റം എന്ന വിശേഷ ചടങ്ങുള്ള മഹാദേവ ക്ഷേത്രമാണിത്.

വളരെ ചെറുപ്പത്തിൽ തന്നെ പൂജാദി ക്രിയകൾ അച്ഛൻ പരേതനായ രാജേഷ് നമ്പൂതിരിയുടെ ശിക്ഷണത്തിൽ പഠിച്ചിരുന്നു. രാജേഷ് നമ്പൂതിരി ആയിരുന്നു ക്ഷേത്രത്തിലെ മേൽശാന്തി. വടശേരിക്കര ചെറുകാവ് ദേവീക്ഷേത്രത്തിലെ ഉത്സവ ചടങ്ങുകളിൽ അദ്ദേഹത്തോടൊപ്പം ഗൗരീ ശങ്കറും മുഖ്യ തന്ത്രിയുടെ പരികർമിയായി ഏതാനും ആഴ്ചകൾ മുമ്പ് പങ്കെടുത്തിരുന്നു. അന്ന് എഴുന്നെള്ളത്തിന് ജീവിത ഭുജങ്ങളിൽ വഹിച്ചത് അച്ഛൻ രാജേഷ് തിരുമേനി ആയിരുന്നു. ഏകദേശം 2 മണിക്കൂർ എഴുന്നെള്ളത്തിന് ശേഷം തിരുനടയിൽ ഉറഞ്ഞു തുള്ളി തുരീയ സ്ഥിതിയിലെത്തിയ രാജേഷ് തിരുമേനിയെ പുണ്യാഹം കുടഞ്ഞ് ഉണർത്തി. ശേഷം വസതിയിലെത്തി നിദ്രയിലാണ്ട തിരുമേനി അടുത്ത പ്രഭാതം കാണാൻ ഉണർന്നിട്ടില്ല.

കടമാൻകുന്ന് മഹാദേവനോടുള്ള അചഞ്ചലമായ ഭക്തി കാരണം ഭക്തജന സമൂഹത്തിന്റെ അഭ്യർത്ഥന മാനിച്ച്, അച്ഛന്റെ പാത പിൻതുടർന്ന്ഗൗരീ ശങ്കർ ക്ഷേത്ര മേൽശാന്തിയായി ചുമതല ഏൽക്കുകയായിരുന്നു. ഇതോടെ വിശ്വാസികളിൽ ജനിച്ചത് കൗതുകമല്ല, മറിച്ച് അവർ ഭക്തിയുടെ പാരമ്യത്തിലെത്തുകയായിരുന്നു.

വടശ്ശേരിക്കര T T T M  VHS ൽ 9 ആം ക്ലാസ് വിദ്യാർത്ഥിയാണ് ഗൗരിശങ്കർ. അമ്മയും, സഹോദരിയും അടങ്ങുന്ന കുടുംബമാണ് ഗൗരി ശങ്കറിന്റേത്. ഗൗരി ശങ്കറിന്റെ പിതാവിന്റെ അപ്രതീക്ഷിത വിയോഗം അതാണ്  ഈ  ഉദ്യമത്തിന് കാരണം .

0 Comments

Submit a Comment

Your email address will not be published. Required fields are marked *

Latest News

പൊതുവിദ്യാഭ്യാസ രംഗത്ത് കേരളം നടത്തുന്ന മുന്നേറ്റത്തിന് ഊർജ്ജം പകർന്നുകൊണ്ട് ഇന്ന് 68 പുതിയ സ്കൂള്‍ കെട്ടിടങ്ങളുടെ ഉദ്ഘാടനവും 33 സ്കൂള്‍ കെട്ടിടങ്ങളുടെ ശിലാസ്ഥാപനവും നടന്നു. 68 സ്കൂള്‍ കെട്ടിടങ്ങളില്‍ 31 എണ്ണം കിഫ്ബി ഫണ്ടുപയോഗിച്ച് നിര്‍മ്മിച്ചവയാണ്. അവയില്‍ രണ്ട്...

സ്വാഗതം’ജനാധിപത്യത്തിലേക്ക് !    ബിജെപി ചരിത്രംകുറിക്കും.    താമര വിരിയും.

സ്വാഗതം’ജനാധിപത്യത്തിലേക്ക് ! ബിജെപി ചരിത്രംകുറിക്കും. താമര വിരിയും.

കേരളത്തെ ഞെട്ടിച്ചുകൊണ്ട് വരുന്ന ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് ബിജെപി ചരിത്രം കുറിക്കും ?തിരുവിതാംകൂർ രാജവംശത്തിൽ നിന്ന് അപ്രതീക്ഷിത തീരുമാനം ഉണ്ടായാൽ പത്മനാഭന്റെ മണ്ണിൽ ആദിത്യവർമ്മ സ്ഥാനാർത്ഥിയാകും.ഇങ്ങനെ സംഭവിച്ചാൽ ചരിത്രം ബിജെപിയ്ക്ക് വഴിമാറും...

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പ് പ്രചാരണം പ്ലാസ്റ്റിക് മുക്തമാക്കുന്നതിനുള്ള നിർദേശങ്ങൾ

തെരഞ്ഞെടുപ്പിന്റെ പരസ്യപ്രചാരണം പ്ലാസ്റ്റിക് മുക്തമാക്കുന്നതിനു സംസ്ഥാനശുചിത്വമിഷൻ മാർഗനിർദേശം പുറപ്പെടുവിച്ചു.പരസ്യ പ്രചാരണ ബാനറുകൾ,ബോർഡുകൾ,ഹോർഡിങ്ങുകൾ തുടങ്ങിയവയ്ക്ക് പുന:ചംക്രമണ സാധ്യമല്ലാത്ത പി.വി.സി ഫ്ളെക്സ്,പോളിസ്റ്റർ,നൈലോൺ,പ്ലാസ്റ്റിക് കോട്ടിങ്ങുള്ള തുണി എന്നിവ...

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

തീർത്ഥപാദ പരമ്പരയിലെ ശ്രീ കൈലാസാനന്ദതീർത്ഥ സ്വാമിയെ ചതിച്ചു ? തട്ടിയെടുത്തത് കോടികൾ വിലയുള്ള ഭൂമികളും ആശ്രമങ്ങളും .

ശ്രീ ചട്ടമ്പിസ്വാമി തീർത്ഥപാദ പരമ്പരയിൽ ദീക്ഷസ്വീകരിച്ച് സ്വന്തമായി അരഡസനിലധികം ആശ്രമങ്ങൾ സ്ഥാപിച്ച ശ്രീ കൈലാസനന്ദ തീർത്ഥസ്വാമിയെ ചതിച്ച് ആശ്രമങ്ങളും വാഹനം ഉൾപ്പടെയുള്ള വസ്തുവകകളും കൈവശപ്പെടുത്തിയത് നായർകുലത്തിൻറെ ശാപമായ വക്കീലും മറ്റൊരു'പ്രമുഖ'നേതാവും (?). വെട്ടിയാർ...

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

യുവാക്കൾക്ക് സൗജന്യ നൈപുണ്യ പരിശീലനവുമായി പൊതുവിദ്യാഭ്യാസ വകുപ്പ്

വിദ്യാർത്ഥികളിലെ തൊഴിൽ വൈദ​ഗ്ധ്യം വികസിപ്പിക്കാൻ സൗജന്യ നൈപുണ്യ പരിശീലന പദ്ധതിയുമായി പൊതുവിദ്യാഭ്യാസ വകുപ്പ്. പദ്ധതിയിലൂടെ ഓരോ ബ്ലോക്കിലും അന്താരാഷ്ട്ര നിലവാരത്തിലുള്ള സ്കിൽ ഡെവലപ്മെന്റ് സെന്ററുകൾ ആരംഭിച്ച് കുട്ടികൾക്ക് അവരുടെ അഭിരുചിക്കനുസരിച്ചുള്ള തൊഴിലിൽ അറിവും...

error: Content is protected !!