ആശുപത്രി മാനേജ്‌മെൻറ് ക്രൂരത തെലുങ്കാന മലയാളിഅസോസിയേഷൻ ഇടപെടൽ നിർണ്ണായകമായി .

ഹൈദരാബാദ്: ആലപ്പുഴ സ്വാദേശിയായ നിർദ്ധന വിദ്യാർത്ഥിയോട് തെലുങ്കാന ഹൈദരാബാദ് നാമ്പള്ളി കെയർ ഹോസ്പിറ്റൽ അധികൃതരുടെ മനുഷ്യത്വരഹിതമായ ക്രൂരതയ്ക്ക് താക്കീത് നൽകി ആൾ ഇൻ മലയാളി അസോസിയേഷൻറെ നിർണ്ണായക ഇടപെടൽ . അഞ്ജലിഅജി എന്ന 19 -കാരി നഴ്‌സിംഗ് പഠനം നടത്തിവരവെ ആശുപത്രിയിൽ വച്ച് പരിക്ക് പറ്റുകയായിരുന്നു .അധികൃതർ ചികിത്സ നൽകുവാൻ തയ്യാറാകാത്ത കാരണത്താൽ രക്ഷിതാക്കളെത്തി അഞ്ജലിയെ ചികിത്സയ്ക്കായി നാട്ടിൽ കൊണ്ടുപോകാൻ തീരുമാനിക്കുകയായിരുന്നു .ഈ വിവരം ആശുപത്രി മാനേജ്മെന്റിൽ അറിയിച്ചെങ്കിലും മുഴുവൻ ഫീസും നൽകിയാൽ മാത്രമേ സർട്ടിഫിക്കറ്റുകൾ തിരികെ വിട്ടുനൽകുവെന്ന നിലപാടാണ് സ്വീകരിച്ചത് .അതിനെതിരെയാണ് ഹൈദ്രബാദ് ആസ്ഥാനമായി പ്രവർത്തിച്ചുവരുന്ന അസോസിയേഷൻ ഇടപെട്ടത് . പ്രസിഡന്റ് ബാബു ഉണ്ണുണ്ണി ,ജനറൽ സെക്രട്ടറി ജി സുരേഷ് കുമാർ എന്നിവർ ബന്ധപ്പെട്ടവരുമായി നടത്തിയ ചർച്ചയെതുടർന്ന് തിരികെ ലഭിച്ച സർട്ടിഫിക്കറ്റുകൾ വിദ്യാർത്ഥിയുടെ മാതാപിതാക്കൾക്ക് കൈമാറി .

The brutality of the hospital management led to the intervention of the Telangana Malayali Association.