കോട്ടയം : ശ്രീ ശങ്കരാചാര്യ പരമ്പരയിലെ  സന്യാസിമഠമായ  കോട്ടയം തിരുവാർപ്പിലെ സ്വാമിയാർ മഠം  തൊണ്ണൂറ്റിയഞ്ച് ലക്ഷം രൂപ വാങ്ങിക്കൊണ്ട്  കൈമാറ്റം  ചെയ്തതായി  അറിയുന്നു .കേരളത്തിലെ  ഒരു മുന്നോക്ക ജാതി സംഘടനയ്ക്കും  ഒരു പ്രത്യാഗ  ജാതിക്കാർക്കുമാണ് വിട്ടുനല്കിയിട്ടുള്ളത് .  തൃശൂരിലെ ഒരു  പ്രമുഖ സ്വാമിയാർ  മഠം  രൂപ  വാങ്ങിയതായാണ് പറയുന്നത് .  ഇങ്ങനെ  വിട്ടുനല്കിയിട്ടുള്ളത്  കോടികൾ വിലമതിയ്ക്കുന്ന  ഭൂമികളാണ് .മഠം വക ഭൂമികളിൽ  വമ്പൻ  ഫ്ലാറ്റുകളും  കെട്ടിടങ്ങളും  ഉയരുന്നതായാണ് വിവരം . പബ്ലിക് റിലീജിയസ് ഇൻസ്റ്റിട്യൂഷനായി  സർക്കാർ  അംഗീകരിച്ചിരിക്കുന്ന  ധർമ്മസ്ഥാപനത്തിന്റെ  യാതൊരു വസ്തുക്കളും  കൈമാറ്റം  ചെയ്യുവാനോ  നശിപ്പിക്കുവാനോ  പാടില്ല .നിയമം അത് അംഗീകരിയ്ക്കുന്നില്ല .പൂർണ്ണമായും നിയമവിരുദ്ധമായാണ് പല പ്രവർത്തനങ്ങളും . പതിറ്റാണ്ടുകൾക്ക് മുൻപ് നല്ല  നിലയിൽ  പ്രവർത്തിച്ചിരുന്ന  മഠത്തിന്റെ കൃഷിചെയ്തിരുന്ന ഭൂമികൾ  ഭൂപരിഷ്കരണ നിയമങ്ങളിലാണ്  കുറെയേറെ  നഷ്ടപെട്ടത് . മഠത്തിന്റെ  ചുമതലകൾ വഹിക്കുന്നവർ  യഥാസമങ്ങളിൽ  സന്യാസത്തിനായി യോഗ്യതയുള്ളവരെ നിശ്ചയിക്കാതെയിരിയ്ക്കുകയും  സംരക്ഷിക്കാതെയിരിയ്ക്കുകയും ചെയ്തതോടെ  മഠങ്ങൾ നശിച്ചു .