എറണാകുളം :  ദേവസ്വം  വക ഭൂമികൾ പാട്ടത്തിന് നൽകുവാനുള്ള നീക്കം ഉപേക്ഷിക്കണമെന്ന് കേരള ടെമ്പിൾ  കാരാഴ്മ   എംപ്ലോയിസ് യൂണിയൻ [ സ്വതന്ത്ര ]  ജനറൽ സെക്രട്ടറി തൃശ്ച്ചാറ്റുകുളം  എൻ  ശശികുമാർ  ആവശ്യപ്പെട്ടു . അന്യാധീനപ്പെട്ട ഭൂമികൾ തിരിച്ചുപിടിയ്ക്കുവാൻ   കഴിയാതെയിരിക്കുന്ന  സാഹചര്യത്തിൽ വീണ്ടും സമാന രീതിയിലുള്ള  പ്രവർത്തനത്തിലേയ്ക്ക്   തിരിയുന്നത് നല്ല  ഉദ്ദേശത്തോടെ  ആണെന്ന്  ചിന്തിക്കുവാൻ വയ്യ . ബോർഡോ വകുപ്പോ  നഷ്ടപെട്ട  ഭൂമികൾ  തിരിച്ചുപിടിയ്ക്കുവാനുള്ള  നടപടികൾ  സ്വീകരിയ്ക്കുവാൻ  പരാജയപ്പെടുന്ന  അവസ്ഥയാണ്  നിലനിൽക്കുന്നത് . കൊച്ചി തിരുവിതാംകൂർ   മലബാർ  ദേവസ്വം  വക  ഭൂമികൾ ലാൻഡ് ബാങ്ക് രൂപീകരിച്ചുകൊണ്ട് സംരക്ഷിക്കുവാൻ   ബന്ധപ്പെട്ടവർ   തയ്യാറാകണം .ബോർഡ്  ഹിന്ദു വിരുദ്ധത ഉപേക്ഷിക്കണം . ക്ഷേത്ര വിശ്വാസികളായ   ഹിന്ദുസംഘടനകളുടെ  പദ്ധതികൾ  സ്വീകരിയ്ക്കുവാനും കൂട്ടായി നടപ്പിലാക്കുവാനും  ബോർഡ്  തയ്യാറാകണം . അതിനായുള്ള  പ്രത്യക  നയം രൂപീകരിക്കേണ്ടതുണ്ട് . ഹിന്ദു  സംഘടനകളുടെ  അഭിപ്രായങ്ങൾ  തേടുകയും  ചർച്ചകൾ നടത്തുകയും  വേണം .  അല്ലാതെയുള്ള   ഏകപക്ഷീയ  പ്രവർത്തികൾ  അംഗീകരിക്കുക വയ്യ .പ്രതിക്ഷേധാത്മകമായ   നിലപാടുകളാണ്  കാലങ്ങളായി  വകുപ്പ്  സ്വീകരിച്ചുവരുന്നത് .